Rudnalit podcasta
Gal ma diehti miján la podcasta? Dan namma l Rudnalit ja lip gålmmå åsijt juo almodam. Giellaguovdásj almodin podcastav basadismáno 2023 gånnå Cati Kuoljok la jådediddje ja sån bivddi sisi guossijt gej sjuddi duon dán birra.
Rudnalit mierkki “att samtala” julevsámegielláj mij la oajvvegiella podcastan, valla ulmutja ma adni ietjá sámegielajt máhtti boahtet guossen åvddålijguovlluj.
Ulmme l vaddet nuorajda sajev gånnå sámegiella gullu árggaságastimev sámegielaga gasskan. Podcasta vaddá juojddá mij la suohtas ja ájggeguovddelis gulldalit.
Rudnalit gávna gånnå podda gávnnuji, degu Spotify:an:
https://open.spotify.com/show/1zyF5iPqfSe4Gfj7BzJjaT
Oase båhti juohkka máno. Jus sidá diehtet goassa ådå oasse boahtá, tjuovo podcasta kontov Instagramman; rudnalitpodcast
https://www.instagram.com/rudnalitpodcast/
Oase:
Vuostasj oasse:
Cati ja guosse Elina Israelsson sjuddiba basádismáno birra. Oadtju gus javvlahervajt juo biedjat jali vierddi gus javllamánnuj vuorddet? Ságastibá aj Sámedikke 30 jage ávvudallamav ja manen Elina ij vuojnnu tjerastimbuoldan.
Javlladuojke:
Dán oasen la Nadia Kielatis guossen. Cati och Nadia sjuddiba gåk la åhpadit gielav nehta baktu. Såj ságastibá javlabiebmo birra ja jus viertti snivvit javlaj åvddåla. Le gus Nadia javllahávgav muosádam ja luluk sån ålggorijkan javlav ávvudallat?
Márnánrussa:
Podda guosse l Sanne-Marja Tuorda och ja báddiduváj Jåhkåmåhke márnána åvddåla. Márnán la diehttelis dán oase tebmá, valla aj gábde-trenda ja duodje. Oadtjup aj gullat Sanne-Marja räjsso duodje-gesella vuossti.
