GULLIEGÏELE – Noerhtelaanti saemien gïelebaalhka luhkievoestes aejkien tjaktjen 2024 juakasåvva gosse ministerh mej dïedte saemien aamhtesi åvteste jïh saemiedigkiepresidenth Såevmesne, Nöörjesne jïh Sveerjesne gaavnesjieh. Tjåanghkoe lea Oslovisnie golken 22.b. 2014. Gïelebaalhka vadtasåvva naakenidie jallh organisasjovnide mah vyörtegs barkoem dorjeme saemien gïeli gaavhtan. Gulliegïele – Noerhtelaanti saemien gïelebaalhka tseegkesovvi ministerijstie mej dïedte saemien aamhtesi åvteste Nöörjesne, Sveerjesne jïh Såevmesne jïh saemiedigkiepresidentijste Nöörjesne, Sveerjesne jïh Såevmesne. Baalhka fïerhten mubpien jaepien vadtasåvva, voestes aejkien jaepien 2004. Gïelebaalhka lea 15 000 euro.

Gïelebaalhkan åssjele

Gïelebaalhka edtja viehkiehtidh saemien gïelide eevtjedh, evtiedidh jïh gorredidh Nöörjesne, Sveerjesne, Såevmesne jïh Russlaantesne.

Gie maahta baalhkam åadtjodh?

Gïelebaalhka maahta aktegsalmetjidie, dåehkide, organisasjovnide, siebride jïh institusjovnide vadtasovvedh mah vyörtegs barkoem dorjeme saemien gïeli gaavhtan tjaaleldh, njaalmeldh jïh jeatjah vuekine. Baalhka maahta ovmessie gïeleråajvarimmiej gaavhtan vadtasovvedh. Baalhka maahta baalhkadåastoji gaskem juakasovvedh.

Raeresth kandidaatem!

Aktegsalmetjh, organisasjovnh, institusjovnh jïh åejvieladtjh abpe saemien dajvesne bööresåvva kandidaath gïelebaalhkese raeriestidh. Seedth tjaaleldh raeriestimmiem bïhkedimmine mij jeenjemes göökte sæjroeh.

Seedth raeriestimmien skïereden 1.b. åvtelen:

E-påaste: postmottak@kdd.dep.no

Påaste:

Gollegiella – bedømningskomité
Avdeling for urfolk og nasjonale minoriteter
Kommunal- og distriktsdepartementet
Postboks 8112 Dep.
0032 Oslo, Norge

Tlf: + 47 22 24 72 82