GÅLLEGIELLA – Nuorttarijkaj sáme giellabálkká juogeduvvá lågenanvuostasj bálláj 2024 tjavtja gå sáme vidjurij minisstara ja Suoma, Vuona ja Svieriga sámedikkepresidenta tjåhkani. Tjåhkanibme l Oslon gålgådismáno 22. biejve 2024. Giellabálkká juogaduvvá ájnegis ulmutjij(da) jali organisasjåvnåjda ma li sámegielajt åvdedam. Gållegiella - Nuorttarijkaj sáme giellabálkká ásaduváj rijka sáme vidjurij minisstarijs ja Suoma, Vuona ja Svieriga sámedikkepresidentajs. Bálkká juohkka nuppát jage juogeduvvá, vuostasj bále lij jagen 2004. Giellabálkká l 15 000 euro.

Giellabálká ulmme

Giellabálkká galggá viehkken sámegielajt åvdedittjat, åvddånahtátjit ja bisodittjat Suoman, Vuonan ja Svierigin.

Gudi máhttá bálkáv oadtjot?

Giellabálkáv máhtti oadtjot ájnegis ulmutja, juohkusa, organisasjåvnå, siebre ja institusjåvnå ma li viek ålov barggam sámegielajt åvdedittjat tjálalattjat, njálmálattjat jali ietjá láhkáj. Bálkká máhttá moadda gielladåjmaj diehti juogeduvvat. Bálkká máhttá aj moaddásijda juogeduvvat.

Oajvvada kandidáhtav!

Ájnegis ulmutja, organisasjåvnå, institusjåvnå ja oajválattja ålles sáme guovlon gåhtjoduvvi kandidáhtajt oajvvadittjat giellabálkkáj. Sáddi vuojtte oajvvadusáv vuodustimijn mij ij la guhkep gå guokta biele.

Oajvvadus sáddiduvvá ragátmáno 1. biejve 2024 åvddåla diehki:

E-poassta: postmottak@kdd.dep.no

Poassta:

Gollegiella – bedømningskomité
Avdeling for urfolk og nasjonale minoriteter
Kommunal- og distriktsdepartementet
Postboks 8112 Dep.
0032 Oslo, Norge

Tlf: + 47 22 24 72 82