Njuolggadusat
-
Ilmmuhus galgá leat boahtán sisa ovdal golggotmánu 20 beaivvi jagi ovdal válggaid.
-
Don galggat leat deavdán dahje deavdit 18 jagi válgabeaivvi, ja leat Ruoŧa álbmotborgár.
-
Jus don it leat Ruoŧa álbmotborgár, de galggat leat leamaš álbmotregistrerejuvvon Ruoŧas maŋemus golbma jagi.
Geat besset mielde sámejienastuslohkui?
Jus du váhnen lea dehe lea leamaš mielde Sámedikki jienastuslogus de don dušše dieđihat váhnema nama skovis.
Sámediggelága mielde don galggat deavdit guokte dovddaldaga. Vuosttaš lea subjektiivvalaš dovddaldat, dan ahte don ieš anát iežat sápmin.
Nubbi lea objektiivvalaš dovddaldat mii guoská gillii. Dus lea dehe lea leamaš sámegiella ruovttugiellan dehe juobbá du váhnemiin, áhkuin dehe ádjáin lea dehe leamaš sámegiella ruovttugiellan. Lea dasto dehálaš ahte don duođaštat ahte olmmoš geasa čujuhat hálddaša sámegiela.