Dát skovit gávdnojit:
- Boazomearka ohcamuš
Dán skovi galggat geavahit ođđaohcamušas, ođđasit registreremis ja eretregistreremis. - Moaitámušat boazomearkaohcamuša vuoste
Dán skovi galggat geavahit jus dus lea moaitámuš ohccojuvvon mearkka vuoste. - Árvalus čearus boazomearkaohcamuša birra
Dán skovi galgá čearru geavahit go buktá árvalusa ohcamušáššis. - Gávpegirji
Dán skovi galggat geavahit ođđasitregistreremis jus vuovddat iežat mearkka soapmásii. - Luohpadangirji
Dán skovi galggat geavahit ođđasitregistreremis jus don attát iežat mearkka soapmásii.
Dát galget leahkit mielde ođđaregistreremis/ođđaohcamušas:
- Vuolláičállojuvvon ohcamušáššebábir
- Árvalus čearus
Dát galget leahkit mielde ođđasitregistreremis:
- Vuolláičállojuvvon ohcamušáššebábir
- Árvalus čearus
- Áššebábir mii vuoseha got don leat ožžon mearkka. Sáhttá leahkit gávpegirji, luohpadangirji dehe válddus bearrejuohkináššebáhpiris dehe seammásullásaš.
- Dalle go válddus bearrejuohkináššebáhpiris lea bidjojuvvon mielddusin galgá maiddái boahtit ovdan geat leat jápminbeasi oasseoamasteaddjit dan dihte ahte oaidnit ahte visot leat čállán vuollái áššebáhpira.
Dát galget leahkit mielde eretregistreremis:
- Čálalaš gáibádus mearkaoamasteaddjis dehe berošteaddjis, o.m.d. čearus, ahte mearka galgá heaittihuvvot. Eiseváldi sáhttá maiddái initieret eretregistrerema jus mearkaoamasteaddjis ii leat šat njuolggus doalahit bohccuid.
Mii lea gustovaš go hábme boazomearkka?
- Dušše sánit mat gávdnojit diehtojuohkinbláđis ožžo gávdnot mearkkas.
- Mearka mas lea gieška ja vatnja/vajastat seammá bealjis ii dohkkehuvvo.
- Gieška ja vatnja/vajastat eai oačču mannat gitta bealljegeahčái.
- Gieška ja vatnja/vajastat eai oačču mannat čiekŋaleabbu go goalmmátoassái bealji guhkodagas.
- Ii oktage sátni oačču leahkit guhkit go goalmmátoasi bealji guhkodagas.
- Mearka galgá sárgojuvvot skoavvái nu ahte čielgasit boahtá ovdan makkár sánit leat mearkkas. Guoská earenoamážit stuora sániide.
LOGA EANET DIEHTOJUOHKINBLÁĐIS MII ČUOVVU SKOVI!
MUITTE:
- Muitte čállit vuollái nama ohcamušas. Jus ohcci lea nurat go 18 jagi galgá váhnen dehe iežá fuolaheaddji čállit vuollái.
- Muitte sáddet mielde visot dárbbašlaš mildosiid diehtojuohkima mielde maid gávnnat bajilčállaga Blanketter vuolde.
- Njuolga devdojuvvon ohcamuš geahpida barggu ja don it dárbbaš buktit sisa dievasmahttimiid mat guhkidit gieđahallanáiggi.