Dutkamuš bohccuid birra
Maŋŋel duođalaš čalbmedávddaid leavvama 2009 dahkkojuvvui dutkamuš bohcco dearvvašvuođa birra. Dutkamušas guorahalle iešguđetge oasálaččaid rolla bohcco dearvvašvuođa hárrái ja buohtastahtte iežá eallišlájaiguin.
Bohtosat
Vaikko bohccot obbalaččat leat dearvvaš eallit, de vásihit sihke boazoeaiggádat ja báikkálaš veterinearat sihke unnán gelbbolašvuođa ja obbalaš ovddasvástádusa. Gávdno maiddái šurru ahte bohtet ođđa dávddat lieggasit dálkkádaga ja lassáneaddji biebmama geažil.
Ovttasbargu buori elliiddearvvašvuođa dihte
Sámediggi bargá viidáseappot buoriduvvon elliiddearvvašvuođain. Gård & Djurhälsanis ja Stáhta veterinearamedisiinnalaš ásahusas (SVA) lea ovddasvástádus čađaheamis, ovttas iežá gustovaš organisašuvnnaiguin. Ovttasbarggu boađus lea neahttasiidu boazodávddaid birra, veterineararávvagat, veterinearaide joatkkaoahppu ja geahččalanvuogádat gozihandihte bohccuid dearvvašvuođadili. Lea dehálaš sihkkarastit buori elliiddearvvašvuođa ja nu maiddái buori elliidčálggu ja buvttadeami boazodoalus.