Boazojámu definišuvdna
Boazojápmu lea jos okta dahje eanet boraspirešlájat (geatki, albbas jn) goddet unnimus logi bohcco ráddjejuvvon guovllus, čieža jándoris. Ja dat galgá leat oktilis dáhpáhus dihto áiggis ja guovllus.
Ráddjejuvvon guovlu sáhttá ovdamearkka dihte leat dálvesiidda čoahkkeealu guohtunguovlu. Guohtunguovlu lea oassi čearu guohtunguovllus, ja gos bohccot guođohit áiggi. Guohtuneatnamat sáhttet leat ovttastuvvo. Guođoheapmi dáhpáhuvvá jeavddalaččat dan guovllus. Guohtunguovlluid ráddjema vuođđu sáhttet earret eará leat čuovvovaš eavttut:
- Rádjá nuppi čearu dahje dálvesiidda vuostá.
- Lunddolaš ráját, nugo geainnut, ruovderaŧi, jogat jn.
Dieđiheapmi
Duođaštuvvon boazojápmu galgá farggamusat dieđihuvvot čerrui, Sámediggái ja leanastivrii. Čearru galgá sáddet čálalaš buhtadusohcamuša Sámediggái maŋimustá golmma (3) mánu maŋŋel dáhpáhusa. Ohcamis galget leat dieđut roasmmehuvvan ja jápmán bohccuid lohku, sohkabealli, ahki, oamasteaddji, vahága viidodaga ja vahága dagahan boraspirešlája birra. Leanastivra galgá duođaštit dieđuid logu, sohkabeali, agi, siva ja báikki juohke ovttaskas áššis ja registreret dán Rovdjursforumii.
Submi
Buhtadussubmi addo Johtolatdáhkádussearvvi rávvagiid mielde.
Njuolggadusat
Láhkamearrádusat mat muddejit jápmobuhtadusaid leat Fuođđobuhtadusortnet, Sámedikki juolludanreivve ja Sámedikki njuolggadusat. Sámediggi hálddaša jápmobuhtadus máksima.