Unnitlogupolitihka suorggi stáhtadoarjja sámi organisašuvnnaide
Ráđđehus lea rievdadan organisašuvnnaid stáhtadoarjja njuolggadusaid sámi organisašuvnnaide. Stáhtadoarjaga ulbmil lea doarjut organisašuvnnaid, mat ovddastit eamiálbmoga ja riikka unnitlogu sámiid unnitlogupolitihka olis.
Stáhtadoarjaga ulbmil
Stáhtadoarjaga ulbmil lea doarjut organisašuvnnaid ja riikka unnilogu sámiid unnitlogupolitihka áššiiguin.
Mat organisašuvnnat sáhttet ohcat stáhtadoarjaga?
- Sámesearvvit
- Organisašuvnnaide, maid sámit leat ásahan sámi váikkuheami várás ja ahte eatnaš miellahtuin leat sápmelaččat
- Organisašuvnnat mat ovddidit sámi váikkuheami ja main eanaš oassi miellahttu organisašuvnnat leat sámi organisašuvnnat, sámesearvvit ja čearut
Sámi váikkuheami ovddidemiin oaivvilduvvo ahte leat doaimma, maid ulbmilat leat nannet sámiid váikkuheami, ovddidit sámi identitehta, kultuvrra ja giela, eastadit vealaheami dahje juohkit dieđuid sámiid birra
Stáhtadoarjaga ohcan
Galgá dahkkot čálalaččat. Deavdde skovi ja čále iežat nama guoskevaš ohcanskovvái. Ohcan galgá sáddejuvvot maŋimustá skábmamánu 1. beaivvi Sámediggái.
Sádde ohcaman oktan mildosiiguin kansli@sametinget.se dahje boastačujuhussii:
SÁMEDIGGI / SAMETINGET
Box 90
981 22 GIRON / KIRUNA
Máksin
Ruhta máksojuvvo ohcanskovvái almmuhuvvon kontui ja máksojuvvo maŋimustá cuoŋománu 30. beaivvi.
Stáhtadoarjaga raporteren
Organisašuvnnat, mat ožžot stáhtadoarjaga galget raporteret stáhtadoarjaga geavaheami ja árvvoštallat got dat leat ulbmiliid olahan. Raporterenskovvi sáddejuvvo oktan mearrádusain. Dat galgá sáddejuvvot Sámediggái maŋimustá cuoŋománu 30. beaivvi.
Got stáhtadoarjja juhkkojuvvo?
Stáhtadoarjja juolluduvvo jahkásaččat, ja dan mielde man ollu ráđđehus lea juolludan ruđa. Doarjjaortnet čuovvu kaleanddarjagi. Doarjagis lea bistevaš oassi ja molsašuddi oassi ja Ii leat vejolaš oažžut juolludeami goluide, masa lea juo stáhtadoarjja addon.
Bistevaš oassi
Stáhtadoarjja juolluduvvo jahkásaččat, ja ráđđehus juolludeami ektui. Doarjjaortnet čuovvu kaleanddarjagi. Doarjagis lea bistevaš oassi ja molsašuddi oassi ja Ii leat vejolaš oažžut juolludeami goluide, maidda lea juo addon stáhtadoarjja.
Okta oassi lea:
- Sámeservviide
- Organisašuvnnaide, maid sámit leat ásahan sámi váikkuheami várás ja main eanaš miellahtut leat sámit.
Golbma oasi leat:
- Organisašuvnnaide ovddidit sámi váikkuheami ja main eanaš miellahtut leat sámi organisašuvnnat, sámesearvvit dahje čearut
Molsašuvvi oassi
Molsašuvvi oassi lea 60 proseantta ráđđehusa oppalaš juolluduvvon supmis ja dat rehkenastojuvvo unnitlogupolitihka oassálastima vuođul. Nu go ovdamearkka dihtii ráđđádallamiid, cealkámušaid dahje gulaskuddamiid vuođul. Ulbmil lea movttiidahttet ahte eanet servet daidda doaimmaide.
Molsašuvvi oassi juhkkojuvvo čuovvovaš meriid mielde, juohke dásis mas organisašuvdna oassálastá lea okta oassi:
- Organisašuvdna lea oassálastán gieldda proseassain
- Organisašuvdna lea oassálastán guovllu proseassain
- Organisašuvdna lea oassálastán stáhta eiseválddi proseassain
- Organisašuvdna lea oassálastán ráđđehusa proseassain
- Organisašuvdna lea oassálastán EO proseassain
Lea go dus gažaldagat?
Váldde oktavuođa meannudeaddjiin Therese Sandströmain:
therese.sandstrom@sametinget.se
tel. 0980-780 30 (vx)
