Lassibiebman lea heiveheapmi heajos guohtundiliide, muhto ii leat guhkit áigái čoavddus. Lea váttis veardádallat goas biebmagoahtá fuođđariiguin.
Nuppe dáfus háliida garvit fuođđariid nu guhká go vejolaš, danin go dat leat divrasat. Nuppe dáfus fas lea dehálaš áiggil biebmagoahtit ovdal go bohccot nelgot ja váibet, vai dat gerget hárjánit fuođđariidda.
Váldosivat lassibiebmamii:
- heajos guohtun dálvet jiekŋudeami ja/dahje gassa muohttaga geažil
- meahcielliid speadjama geažil
- iežá eanangeavaheddjiid doaimmaid geažil
- vánis guohtunresurssaid geažil
Lassibiebmama ovdamunit:
- eanet bohccot seilot
- álkit doallat siidda čoahkis
- unnit meahcieallispeadjamat
Lassibiebmama heajos bealit:
- dat sáhttá uhkidit árbevirolaš boazoealáhusa ja kultuvrra, ja maiddái árbedieđu sirdima buolvvaid gaskkas
- bahá ahte dávddat fuođđariid geažil lassánit ja ahte dávddat njommot
- bohccot muktet dábiid
- ekonomalaš noađđi ja stuora bargonoađđi