Kulturdoarjja
Sámediggi mearrida doaibmadoarjaga juolludemiid sámi organisašuvnnaide, institušuvnnaide ja servviide, ja projeaktadoarjaga juolludemiid sámi kultuvrii.
Sámediggi mearrida stáhtadoarjaga juolludemiid sámi kultuvrii ja sámi organisašuvdnaide Sámediggelága (1992:1433) ja kulturpolitihkalaš doaibmaprográmma njuolggadusaid mielde. Ulbmil doarjagiin lea oččodit nanu ja girjás sámi dáidda- ja kultureallima.
Njuolggadusat ja neavvagat
Veahkkin ja stivrenneavvun Sámedikki mearrádusaid dahkamis stáhtadoarjaga ja Sámefoandda juolludusaid birra gávdnojit čuovvovaš njuolggadusat; Njuolggadusat ja rávvagat Sámedikki kulturlávdegotti doarjjajuolludeami birra, Sámedikki stivrra ja lávdegottiid bargoortnet ja Sámedikki kulturpolitihkalaš doaibmaprográmma.
Sáhtán go sáddet ohcamuša elektronalaččat?
Don sáhtát sádde ohcamuša elektrovnnalaččat vai olle áiggebále. Don fertet maiddái sáddet vuolláičállojuvvon ohcamuša boastta mielde. Geavat dalle e-boastačujuhusa: kansli@sametinget.se vai ohcamuš vissásit registrerejuvvo. FUOM! Ale sádde ohcamuša njuolga kulturgieđahalliide!
Čuovvoleapmi
Sámediggi sáhttá juohke jagi čiekŋalit čuovvolit doaimmaid ja prošeavttaid. Dalle Sámediggi soaitá háledit geahččat daid áššebáhpiriid maid dárbbaša go galgá dárkkistit got Sámedikki doarjja lea geavahuvvon doaimmas.