Vuovddit vuoruhuvvojit garrasit dál máilmmi politihkas. Biologalaš máŋggabealatvuođa konvenšunna čoahkkimis Nagoyas, mearriduvvui ahte vuovdečoallamiid galget beliin unnidit jagi 2020:s. Dálkkádatkonvenšuvnna čoahkkimis Cancúnas, mearridedje máilmmi riikkat sierra doarjjaprográmma geafes riikkaide vái dat gáhttejit iežaset vuvddiid ja dálkkága dihtii bissehit vuvddiid goarideami.
Vuvddiid bistevaš ovdánahttin
Ráđđehus, eiseválddit ja eaktodáhtolašorganisašuvnnat čađahit oktasaš rahčamušaid vái nannejit vuvddiid bistevaš hálddašeami. Geavaheami, seailluheami ja ovdánahttima dálá ja boahtte buolvvaide.
Árktalaš vuovdi lea oktilis luonddu riggodat.
Árktalaš vuovdi lea oktilis luonddu riggodat sihke ealliide ja olbmuide. Luondoeanadaga háddjen čuohcá sámi kultuvrii, eandalii intensiiva vuovdedoalu. Jeagileatnamiid ja láhpuid haga, váilo dasto lunddolaš guohtun. Contortavuovddit, garra eanaboltun ja vuvddiid gilvin dagahit váttisin bohccuiguin bargat.
Vuovddit suddjejit
Dearvvas vuvddiide sáhttet olbmot johtit bohccuiguin guohttumiida ja doallat čoahkit ealu daid árktalaš dálviid. Bohccuin lea suodji dálveriđuin ja galbma guhkes ijain. Dain leat sihke jeahkálat eatnamis ja láhput muorain. Geasset lea vuovdebohccuin, gos eai leat duottarjasat, suodji ja čoasus alla suhkkes guossavuovddit. Oktilis luonddu vuovddit tajgas suddjejit boraspiriid speadjamiin.
Vuovdi boazoguhttumii
Vuovdi mii lea suodjaluvvon boazoguohtumii, lea vuovdi mii lea ekologalaš, ja mas lea biologalaš máŋggabealatvuohta ja mii lea gierdil. Dálkkádatrievdadeami váikkuhusat váidot vuovddis mii lea seailluhuvvon, go vuovdi obbalaččat ovttasdoaibmá dainna lágiin váiduda eahpelunddolaš muktašumiid, nugo industriija vuvddiin. Vuovdi mii lea buorre bohccuid buresbirgejupmái, lea maid vuovdi mii lea buorre olbmuid buresbirgejupmái, maiddái ovttaskas sámiide. Sámis gullá sámi álbmogii boazodoallovuoigatvuođat, muhto dat leat ovttaskas sámit geat oamastit bohccuid.
Vuovdi olbmuide
Buoro vuovddis gávdnojit duodjeávdnasat. Doppe leat vuovdelottit, urttat ja iešguđetge muorješlajat, mii dagaha dát álkibut eallit árbevirolaš máhtu vuođul. Máhttosirdin buolvvas bulvii šaddá álkibut ja searvevuohta nannejuvvo, searvevuohta olbmuid gaskkas ja searvevuohta luondduin. Bissovaš eanadagas gulle buot oktii.