Oza oahpahallin Walt Disney Animation Studios
Sámeráđđi ja Sámedikkit Norgga, Suoma ja Ruoŧabealde iluin almmuhit ođđa oahpahalli vejolašvuođa Walt Disney Animation Studios geasset 2023, nuoraide geat leat dáidda, animašuvnna, gráfalaš dahje filbma suorggi studeantta dahje áitto gárven oahpu.
Leat go gazzame oahpu dahje aitto gárven oahpu dáidda, animašuvnna, gráfalaš dahje filbma suorggis? Walt Disney Animation Studios bovdejit sámi oahpahalli geassái 2023. Taleanta ovdánahttin oahpahallin oaččut erenomáš vejolašvuođa bargat ovttas Disney bagadeddjiin ja guorahallat buot beliid dáidda-, muitalushábmen- ja filbmasuorggis.
Walt Disney Animation Studios Summer Internship Program bistá 10 vahko ja lea máksojuvvon prográmma heivehuvvon sidjiide geat lohket dáidaga, animašuvnna, dihtorgrafihka ja filmma.
Loga eambbo sin oahpahalli prográmma ja eavttuid birra dás:
Ohcanáigemearri WDAS oahpahallin: 15.01.2023, dii 11:59 Pacific Standard Time (Fuomaš áigeerohusa).
Mátkestipeanda
Oahpahalli galgá ohcat 10.000 $ sturrosaš mátkestipeandda, man Sámiráđđi ja Sámedikkit almmuhit dán oktavuođas. Ohccis galgá leat sámi duogáš, galgá deavdit WDAS eavttuid oahpahallái ja sus galgá leat plána das mo son áigu máhcahit gelbbolašvuođa ruovttoluotta sámi servodahkii, nu go omd. sosiála mediaid bokte, logaldallamiid bokte jnv.
Čális ohcama, eanemusat 1 siiddu, gos čilget man vuođul ozat oahpahallin ja mo áiggut čoavdit eavttuid mátkestipendii.
Sádde ohcama dán čujuhussii ja merke ohcamuša “WDAS oahpahalli”: kmr@saamicouncil.net.
Ohcanáigemearri mátkestipeanda: 15.01.2023, dii 11:59 Pacific Standard Time (Fuomáš áigeerohusa).
Oktavuođadieđut:
Christina Hætta, Sámiráđđi
+47 48021734