Ovddasvástádus oassálastit servvodatplánemis
Sámediggelága jelgii lea Sámedikkis sierra ovddasvástádus oassálastit servvodatplánemis ja gozihit ahte sámi dárbbut váldojuvvojit vuhtii, ovdamearkka dihte gozihit boazoealáhusa beroštumiid eatnamiid ja čáziid ávkkástallamis. Juohke jagi Sámedikki virgeolbmot buktet ollu gulaskuddancealkámušaid, mat gusket ealáhusaide, luonddubirrasii ja servvodahkii.
Jus háliidat gávdnat vissis gulaskuddancealkámuša de sáhtát riŋget Sámedikki hálddahussii, tlf. 0980-780 30.
Deaddil dása de beasat siidui Vuođđu plánat
Ráđđádallan dehe konsultašuvdna?
Njuolggadusat ráđđádallangeatnegasvuođa birra leat gustovaččat beroškeahttá konsultašuvdnalága. Konsultašuvdnageatnegasvuohta doaibmá lassin iežá ráhkkanangáibádusaide, mat bohtet ovdán iežá lágain. Okta ášši sáhttá namalassii mielddisbuktit sihke ráđđádallangeatnegasvuođa ja konsultašuvdnageatnegasvuođa. Ráđđádallama čađahanvuohki ja iežá sullasaš meannudeamit, galget nu guhkás go lea máŧolaš, čađahuvvot ovttas konsultašuvnnaiguin.
Loga eanet Konsultašuvdnaortnega birra