Váikko leat rádjemis ja statistihkas hástalusat de lea Sámediggi ráđđehusgohččuma eavttuid vuođul kárten ja gávnnahan doaibmabijuid ja ávžžuhusaid buori dásseárvoovdáneapmái. Kártemis boahtá čielgasit ovdán ahte sámi nissonat lea eanetlogus siviilaservodagas nugo sámi organisašuvnnain ja servviin mat barget gielain, kultuvrrain ja oahpahusain, dievddut leat ráđđejit boazodoalus.
Dán ovdáneami duogáš leat oppalaš historjjálaš dáhpáhusat, vuosttažettiin boazodoalloláhka, koloniseren ja sisabahkkemat eatnamiidda, mat leat sámiide dagahan dálá dili Ruoŧas. Norbmat, árvvut ja sohkabealevierut mat leat ruoŧa servodagas, leat váikkuhan ja váikkuhit ain sámiid eallimii. Dasa lassin gáržut boazodoalliid vejolašvuohta birget iežaset ealáhusain ruoŧa servodaga sisabahkkemiid geažil láidomiidda. Dát gis dagaha sámi nissoniidda dásseárvohástalusaid boazodoalus go dat jođánis ođasmahttima ja go ealáhus lea dievdduid várás. Váikkuhusat leat dávjá ahte nissonat duvdojuvvojit eret ja olgguštuvvojit ja ahte nissoniid sajádat boazodoalus ii adno árvvus.
Doaibmabijut mat galget lasihit dásseárvvu ja njulget nissoniid eanetlogu sámi siviilaservodagas ja dievdduid válddi boazodoalus, ferte siskkildit sihke sámi nissoniid ja dievdduid. Norpmat ja árvvut stivrejit dievdduid maid, ahte makkár sámi dievdu galgá leat, mii fas váikkuha sihke nissoniid ja dievdduid árgabeaivái. Sihke ovttaskas nissonat ja dievddut dárbbašit vuoimmi vái dustet ja nagodit rievdadit sohkabealrolla almmá guođekeahttá birrasa gos dát dábit leat. Rabas servodat ja dásseárvosaš servodat lea vuoitu sihke nissoniidda ja – dat ii leat dušše nissonášši.
Fáddá veahkaváldi sámi nissoniid guovdu lea oalle stuorra oassi raporttas. Fáddá lea unnán gieđahallojuvvon Sámedikki dásseárvobarggus ja ovddeš čilgehusain. Raportta Veahkaváldi sámi nissoniid vuostá – máhttodilli ja doaibmabijuid kárten ja guorahallan lea čállán professor Monica Burman, gii dutká earret eará dievdduid veahkaválddi nissoniid vuostá.
Raporttas evttohit eanet dutkama ja eará doaibmabijuid váilevaš máhtui ja ovdánahttin dárbbuide. Dát doaibmabidju evttohusaid ulbmil lea oažžut eanet máhtu veahkaválddi birra maid sámi nissonat vásihit, botket jávohisvuođa veahkaválddi birra Sámis, ja ovddidit doaibmabijuid vái Ruoŧŧa ollašuhttit riikkaidgaskasaš geatnegasvuođaid Istanbul-konvenšuvnna ektui ja sáhttá álggahit barggu vái juksat guđát dásseárvomihtu sámi nissoniid ja nieiddaid várás, nu go boahtá ovdán gohččumis.