Ávki buohkaide
Dásseárvvu ulbmil lea ráhkadit buoret servodaga ásahit buohkaide. Jos sámi servodat galgá ovdánit ja ahtanuššat, juohkehaš ferte dovdat ahte sin dárbbut váldojuvvojit duođas, ahte atnet ávkki sin máhtus ja gelbbolašvuođas, beroškeahttá leago dievdu vai nisu, bárdni vai nieida. Danne lea Kulturlávdegoddi mearridan ahte sámi organisašuvnnain ja servviin maidda Sámedikki kulturlávdegoddi juolluda doaibmadoarjaga, galgá leat áigeguovdilis dásseárvoplána.
Dásseárvoplána
Dásseárvoplánas galgá čilgejuvvot mo organisašuvdna/searvi konkrehta bargá dásseárvvuin.
Got dii jurddašehpet dásseárvvu birra din organisašuvnnas/searvvis?
- Makkár váttisvuođa lehpet dii fuomášan?
- Got dii ovddidehpet dásseárvvu ovdáneami din organisašuvnnas/searvvis.
- Got dii geahččalehpet olahit sihke dievdduid ja nissoniid, bártniid ja nieiddaid?
- Lehpet go ovdánan – čilge got!
- Makkár boahtte áiggi plánat leat dis?