Sámediggeválggat juohke njealját jagi
Sámedikki politihkalaš orgána lea doallan válggaid juohke njealját jagi 1993 rájes. Sámediggi lea min vejolašvuohta stivret iežamet politihkalaš ovdáneami. Dat politihkkárat geaid Sámediggái válljet ovddastit sámi álbmoga, ja sii sáhttet váikkuhit riikkabeaivvi ja ráđđehusa, ja ruoŧa servodaga opiniovnna.
Maid mearkkašit válggat?
Sámediggeválggain válljejit sámit 31 ovddasteaddji geaid mii háliidit iežamet álbmotválljen orgánii man gohčodit dievasčoahkkimis. Dievasčoahkkin ges vállje stivrra ja stivraságadoalli, čoahkkinjođihangotti ja ságadoalli, ja maiddái iešguđet lávdegottiid. Don it jienas dušše bellodaga, don sáhtát maiddái jienastit olbmo jus merket dan olbmo nama geasa dus lea luohttámuš.
Goas leat válggat?
Sámediggeválggat dollojit goalmmát sotnabeaivvi miessemánus juohke njealját jagi. Boahtte válggat leat miessemánu 2025.
Gii oažžu jienastit?
Dušše sámit geat leat ilmmuhan iežaset jienastuslohkui ožžot jienastit sámediggeválggain. Maŋemus mearri jienastuslohkui ilmmuhit iežas lea golggotmánu 20 beaivvi jagi ovdal válgajagi.
Son guhte lea registrerejuvvon sámi jienastuslohkui, oažžu Válgaeiseválddis válgabáhpiriid boastta mielde sullii golbma vahkku ovdal válggaid..
Got jienastan?
Don sáhtát jienastit reivve bokte dege válgabáikkis dan beaivvi go leat válggat. Visot dieđut dan birra leat reivves maid oaččut boastalodái.
Geavat iežat rievtti jienastit – sámediggeválggat leat du vejolašvuohta ja du demokráhtalaš njuolggusvuohta!