Bohccot, boazodoallu ja bieggafápmu – dálve- ja bievlaguohtun
Mullberg ja Götesvålen bieggafápmorusttegiid lahkosiin Tåssåsen ja Mittådalan čearuin čájehit bohtosat ahte bohccuin ii leat guohtunráfi. Maiddái vuovdedoallu, boraspiiret ja eará eanageavaheapmi váikkuhit bohccuid guohtuma ja guohtonráfi. Okta váttisvuohta boazodollui lea ahte bieggafápmorusttegat biddjojit badjosiidda. Go dat leat erenoamáš dehálaččat heajos guohtumiin ja dálkkádatmuktimiid geažil lea dat šaddan dábáleappot. Mállaga čearu guorahallamiin boahtá ovdán ahte váikkuhusat molsašuvvet bievlaáigodagas. Bohccot garvet rusttegiid guottetáiggi ja čakčat, muhto geasset gal guhto badjosiin.
Dutkama čađaheames leamaš lagaš ovttasbargu boazodoalu ovddasteaddjiin, sihke dutkanguovllu válljen dieđuid ja dieđuid guorahallamis.
Čállit: Anna Skarin, SLU (projektledare), Per Sandström, SLU, Bernardo Brandão Niebuhr Dos Santos, SLU, Moudud Alam, Högskolan i Dalarna, Sven Adler, SLU.
Loahpparaporta: Boccot, boazodoallu ja bieggafápmu – dálve- ja bievlaguohtun
Gáldu: SLU:a neahttasiidu
Bieggafámu ja boazodoalu riiddut
Oslo universitehta dutkit leat guorahallan mo bieggamillut ja elfápmolinjját váikkuhit bohccuid golmma Norgga boazodoalloorohagas, Fovsenis, Rákkonjárggas ja Ildgrubenis. Bohtosat čájehit ahte bieggafápmorusttegat váikkuhit negatiivvalaččat bohccuid guohtunguovllu válljemii sihke eanadaga dásis ja guovllu dásis sihke dálve- ja geasseorohagain. Muhto gávdnojit gal spiehkastagat. Loahppaboađus váikkuhusaid birra Norggas leat ain eahpesihkkarat go dát leat ovtta dahje guokte jagi dieđut, juogo jagi ovdal dahje maŋŋel huksema, seammás go leat lunddolaš variašuvnnat bohccuid guohtunguovlluid geavaheames jagis jahkái.
Norgga dutkamat leat maiddái čađahuvvon ovttasráđiid boazodoalu ovddasteddjiiguin.
Čállit: Sindre Eftestøl, Diress Tsegaye Alemu, Norgga biras- ja eallindiehtagiid universitehta (NMBU), Kjetil Flydal, Jonathan E Colman (prošeaktajođiheaddji), NMBU. Buot čállit barget Oslo universitehtas.
Bieggafápmoraporta lea loahpparaportta jorgaleapmi " Bieggafápmorusttegiid, gullevaš infrastruktuvrra ja boazodoalu areálariiddut".
Loahpparaportalutrapport: Bieggafámu ja boazodoalu riiddut
Gáldu: Luonddudoaimmahaga neahttasiidu