Kulturipmárdusa oahppu
Sámi dearvvašvuođa máhttofierpmádat lea álggaheami rájes 2017:s oahpahan ollu dearvvašvuođabargiid sámi vuoigatvuođaid ja kulturipmárdusa birra. Sámi dearvvašvuođa máhttofierpmádat leat ásahuvvon iešguđege regiovnnaide. Dasa lassin leat sámi dearvvašvuođabargit ožžon psyhkalašdearvvasvuođa álgoveahki oahpu. Jagi 2020 álggahuvvui sámi kulturipmárdusa e-oahppu, maid Sámi dearvvašvuođa máhttofierpmádat hábmii ovttasráđiin SANKS:in, Sámi nationála gelbbolašvuođabálvalusain – psyhkalaš dearvvašvuođa ja gárrendiliin.Oktasaš stivrendokumenta
Oktasaš stivrendokumeanta
Buot regiovnnat mat leat mielde ovttasbarggus leat váldán atnui dokumeantta Strategiija sámi dearvvasvuhtii – okta dearvvasvuohta ja dearvvašvuohta mii dagaha buori dearvvašvuođa ja fuolahusa ovttadássásaš eavttuiguin sámi álbmogii 2020-30. Dat mearkkaša ahte guovllut leat geatnegahttán iežaset bargat kultuvrralaččat heivehuvvon dearvvašvuođa- ja buohccidikšui mii váikkuha buori dearvvašvuhtii ja fuolahussii ovttadássásaš eavttuiguin sámi álbmogii. Strategiija mielde galgá dát dahkkot dearvvašvuođabargiid skuvlema bokte, ođđa bargovugiid ja metodaid ovdánahttima, sámi kultuvrra ja giela čalmmustahttima ja eanet máhtu bokte. Dasa lassin áigot regiovnnat bargat dan ovdii ahte sámi dearvvašvuođa nationála máhttoguovddáža ásahuvvo.
Strategiijas boahtá maiddái ovdán ahte eamiálbmotperspektiiva galgá leat vuođđun buot bargguide, intersekšuvnnalaš analysii ja sámi oassálastimii. Intersekšuvnnalaš analysa oaivvilduvvo ahte lea diđolašvuhtii das ahte sámiid dearvvašvuohta ja dárbbut sáhttet molsašuddat nugo sohkabealli, ahki, doaibmannávccat ja seksuála sodju mielde.
Fierpmádaga huksen
Sámi dearvvašvuođa máhttofierpmádagas leat vihtta leanakoordináhtora ja okta váldokoordináhtor. Máhttofierpmádagas lea maid stivrenjoavku ja politihkalaš referánsajoavku, mas iešguđet regiovnnain ja Sámedikkis leat ovddasteaddjit.
Sámi dearvvašvuođa máhttofierpmádat ásahuvvui 2017:s prošeaktan maid Sosiáladepartemeanta ruhtadii, muhto 2020 rájes regiovnnat leat ruhtadan dan.
Oktavuohta: :
Regiovnnaid leanakoordináhtorat:
Risten Utsi, Norrbotten, risten.a.utsi@norrbotten.se
Inga Kuoljok, Norrbotten, inga.kuoljok@norrbotten.se
Laila Daerga, Västerbotten, laila.daerga@regionvasterbotten.se
Ann-Jeanett Stål, Dalarna, annjeanett.stal@regiondalarna.se
Camilla Hansson, Jämtlanda Härjedalen, camilla.hansson@regionjh.se
Váldokoordináhtor:
Sofia Kling, telefovdna 073-069 28 84 och e-boasta sofia.kling@regionvasterbotten.se