Go gulahalat minguin sosiála mediain, de fertet diehtit ahte Sámediggi lea stáhta eiseváldi ja almmolašvuođaprinsihpa gusto midjiide. Dát mearkkaša ahte cealkámušat ja kommentárat mat dahkkojuvvojit min sosiála mediakanálain šaddet almmolaš čálusin ja daid sáhttá gáibidit alcces/olggos.
Jeara áinnas mis, buvtte iežat oaiviliid ja digaštala min sosiálamediain. Vái oažžut oadjebas ja gutnálaš ságastallama buohkaide, de leat mis čuovvovaš njuolggadusat
Mii sihkkut ja váldit eret cealkámušaid main leat:
- Áitagat, soaibmamat dahje olbmuid cielaheapmi
- Olmmošjoavkkuid soaibman dahje eará sisdoallu mii rihkku ruoŧa lága.
- Loavkašuhttin, soardin dahje vealaheaddji cealkámušat
- Garrudeapmi dahje heivetmeahttun giella
- Ávžžuhit rihkkut lága dahje veahkaválddi
- Ruskaboasta, máinnus dahje seamma ášši almmuhit ohpihii
- Sisdoallu mii ii gula ášši fáddái.
- Persondieđut iežat dahje earáid birra.
- Vuoigŋadaguslága suddjejuvvon ávdnasat, maid dus ii leat vuoigatvuohta almmuhit
Fuomáš ahte mii eat gieđahala hearkkes áššiid dahje čiegus dieđuid sosiála mediaid bokte. Kommentárat dahje čállosat mat rihkkot min kommentáranjuolggadusaid sáhttet sihkkojuvvot dieđikeahttá. Jos ohpihii rihkku njuolggadusaid, de mii sáhttit geavaheddjiid giddet geavaheames min kanála vái dáhkidit oadjebas ja gutnálaš gulahallama.
Sámediggi ferte čuovvut BBS-lága
Kommenterenfunkšuvdna fállojuvvo ja čuvvojuvvo elektrovnnalaš diehtojuohkintávvaliid (BBS-láhka) mielde. Juohkehaš gii čállá juoidá mii rihkku gustovaš lágaid sáhttá persovnnalaččat šaddat ovddasvástideaddjin dan ovddas. BBS-láhka dagaha ahte mii dađistaga váldit eret čállosiid mat sisttisdollet:
- rihkusávžžuhusa
- olmmošjoavkkuid soaibmama
- mánnápornografiija
- lobihis veahkaválddi
- vuoigŋadagusláhka rihkkun
- lobihis áitin
- lobihis integritehtasisabahkken ja
- almmolaččat ávžžuhit, rekruteret ja oahpahit terrordaguide ja eará erenomáš duođalaš vearredaguide
Min ovddasvástádus
Sámedikki sosiála mediaid hoidejit hálddahusbargit. Mis lea vuoigatvuohta bearráigeahččat min kanálaid vái sáhttit dáhkidit ahte lea dohkálaš ja konstruktiiva ságastallan. Giitu go leat mielde doalaheamen gutnálaš ságastallama.