Diehtogihppagat rasismma birra sámiid guovdu lea Ealli historjjá forum ráhkadan, mii lea oassin ráđđehusa gohččumis ráhkadit oahppoávdnasiid iešguđetlágan rasismma vugiid birra. Dat lea oassi ráiddus Prata rasism i skolan (Ságastallan rasismma birra skuvllas), mas leat vihtta gihppaga iešguđetlágan rasismavugiid birra, ja dat leat ráhkaduvvon 2024:s ja 2025:s.
Geaidda?
Dat lea oahppoávnnas, daidda geat skuvllain barget. Dat leat oaivvilduvvon oahpaheaddjiide ja iešguđet bargiide vuođđoskuvllas, joatkkaskuvllas, álbmotallaskuvllas ja rávesolbmuidoahpahusas.
Ávdnasis leat:
- máhttu rasismma birra sámiid guovdu ja makkár váikkuhusat das leat
- buoret vejolašvuođat fuomášit rasismma daguid sámiid guovdu
- vejolašvuohta ovttas guorahallat got hálddašit áššiid, mat sáhttet dáhpáhuvvat beaivválaš barggus
- guhkit áiggi barggu eastadan ja vuostálastin reaiddut rasismma sámiid guovdu.
Geat?
Ealli historjjá forum leat bálkáhan áššedovdiid ja fágaolbmuid, geain lea máhttu juogo konkrehta áššiin mat leat mielde dahje áššiin mat bohtet ovdán. Referánsajoavku, mas leat mielde iešguđet skuvlašlájaid bargit leat máhcahemiid buktán materiála osiide.