Sámediggi bargá ovttas leanastivrraiguin mat leat boazodoalloguovlluin (Norrbotten, Västerbotten, Jämtlánda, Västernorrlánda ja Dalarna) ja SMHI:in. Ovddeš gaskaboddosašprošeavttain leat čearut dutkan ja árvvoštallan, got dálkkádatmuktimat sáhttet váikkuhit boazodoalu eavttuid, gávdnat čuolmmaid ja árvvoštallan vejolaš evttohusaid doaibmabijuide. Ulbmilin lea leamaš ohcat dieđuid, doarjut ja álggu buot čearuid dálkkádatheiveheami bargui.
Eastadeami bargu
Čielga doaibmaplána bokte, mas leat ulbmilat ja doaibmabijut, galget sihke čearut, guoskevaš mearrideaddjit ja eiseválddit sáhttit bargat eastademiiguin vái boazodoallu ja sámi kultuvra sáhttet buorebut dustet dálkkádatmuktimiid mat leat vuordimis boahtteáiggis. Muhto čearuin leat iešguđetge eavttut ja váttisvuođat. Čearuid vejolašvuohta heivehit dálkkádahkii lea sorjavaš eará eanangeavaheamis ja iešguđetlágan mearrádusain.
Ealli dokumeanttat
Čearuid dálkkádatheiveheami doaibmaplánat leat ealli dokumeanta; olgeš ceakkočuolddas lea čearuid dieđihuvvon veršuvdna gaskaboddosašprošeavttas. Čearut oamastit doaibmaplánaid.
Dálkkádatdieđut
Gaskaboddosašprošeavttas leat gieđahallan osiid SMHI dálkkádatdieđuin vai sáhttet geavahit daid RenGIS:s ja leat ráhkadan SMHI:a dálkkádatdieđuide rávagirjji. SMHI dálkkádatdieđuid boazodoalloplánain sáhttá fas geavahit iešguđetge osiide boazodoalus, earret eará guohtuneatnamiid juohkimii ja buoret duođaštussan ráđđádallamiin dahje buoret ipmárdus das mo boazojohtimat ja boazodoalu eanangeavaheapmi váikkuhuvvo dálkkádat- ja eará birasmuktimiin ja eará olggobeale áššiin. Dálkkádatdieđuid lea dárbu buvttadit boazodoalu dárbbuide.