Prošeaktadoarjagat gealboloktemii
Sámediggi juolluda 2,5 miljovnna gealboloktenprošeavttaide mat ovddidit sámi ealáhusaid ja mat addet eanet bargosajiid.
Ulbmilin lea buoridit fitnodatnávccaid sámi ealáhusain, ja nannet sámi fitnodagaid ovdáneami vai Sámis lassánit bargosajit.
Dán ruhtajuolludeamis deattuhit ahte gealboloktendoaimmat láidestit ja nannejit fitnodagaid digitála nuppástuhttima guoddevaš oassin fitnodatovdáneamis.
Prošeaktadoarjja almmuhuvvo danin vai sáhttit doarjut ovttasbargguid dakkár surggiin mat bures ávkkuhit servodagas, muhto mii ii soaba dušše ovtta fitnodahkii. Danin galgá dát doarjja ávkkuhit eanet go dušše ovtta fitnodaga.
Eavttut
Doarjja galgá veahkehit lágidit doaimmaid mat háhket ja ovddidit:
- Gealboloktema E-gávpedoaimma guvlui omd. digitála márkanfievrrideami, ulbmiljoavkoheiveheami ja kunddar- ja márkanguorahallamiid bokte.
- Gealboloktema digitála reaidduid geavaheamis mii lea ávkin ja mii ovddida fitnodagaid.
Dát almmuheapmi lea báikegoddeprográmma siskkobealde.
Dása sáhtát doarjaga oažžut
- Bálká- ja sosiála goluide
- Indirekte goluide (guoská dušše organisašuvnnaide main leat bargit)
- Bálvalusaid oastimii
- Iežá goluide
Makkár eavttut?
Sámediggi árvvoštallá ohcamiid dáid eavttuid vuođul:
- Doarjjaohccis lea máhttu, gealbu ja nákca čađahit prošeavtta
- Prošeavtta metoda ávkkuha máhttojuohkima
- Prošektii lea identifiserejuvvon dárbu
Sámedikki regionála doaibmaplánas sáhtát lohkat eanet dáid eavttuid birra. Doaibmaplánas gávnnat maiddái dieđuid got eavttut árvvoštallojit ja dieđuid šablonaid birra ja got mii rehkenastit ng. indirekte goluid.
Gii sáhttá ohcat?
Sámi fitnodagat, sámi searvvit ja organisašuvnnat, gielddat ja eanadikkit ja regiovnnat.
Ohcanáigemearri ja mearrádus
Don sáhtát ohcat doarjaga guovvamánu 28 beaivvi rádjái 2022.
Goassážii galgá prošeakta leat čađahuvvon?
Don sáhtát ohcat prošeavttaide mat bistet juovlamánu 31 beaivái 2023. Oassečilgehus galgá sáddejuvvot sisa oassemáksimiid oktavuođas. Don oaččut álgit prošeavttain de juo go ohcan lea ollen Sámediggái, muhto dat lea du iežat riskka mielde, ja ekonomalaš riskka. Easkka de go oaččut doarjjamearrádusa, dieđát oaččut go ruđaid vai it.
Man olu sáhtát oažžut doarjaga?
Don sáhtát oažžut 100 % prošeaktagoluin.
Got ozat?
Doarjaga ozat Eanandoallodoaimmahaga E-bálvalusa bokte – dasa fertet logget sisa mobiila BankID bokte.
- Deaddil E-tjänster Eanandoallodoaimmahaga ruovttusiiddus, Mina sidor vuolde
- Vállje Stöd inom landsbygdsprogrammet
- Vállje Sök projektstöd inom landsbygdsprogrammet
- Álggat bálvalusa
- Deavdde ohcama
- Vállje Projekt vuolde (ohcamuša 3. lasta ohcamis) Demonstrationer och information - ja dan maŋŋel Skapa nya jobb
Leago dus veahkki deavdit ohcama?
Jus don deavddát ohcama muhtun iežá ovddas, omd muhtun organisašuvnna ovddas, de ferte dus leat fápmudus dan dahkat. Loga eanet fápmudusaid birra
Leatgo dus jearaldagat?
Jus dus leat jearaldagat doarjaga birra, váldde oktavuođa camilla.hansson@sametinget.se dahje sarainger.larsson@sametinget.se