Dál lea áigi ohcat doaibmadoarjaga
Boastta bokte sáddejuvvon ohcamuš galgá leat boahtán Sámediggái maŋimustá njukčamánu 1. beaivvi rádjai. Ohcama sáhttá maid sáddet e-boastta bokte dii. 24.00 skábmamánu 1. beaivve, muhto vuolláičállojuvvon ohcan galgá sáddejuvvot boasta mielde.
Sádde ohcama Sámediggái:
Sametinget
Box 90
981 22 KIRUNA
E-boasta: kansli@sametinget.se
Muhtun dehálaš njuolggadusat maida galgá vuhtii váldit doaibmadoarjaga ohcamis:
- Doaibmadoarjja sámi servviide ja sámi organisašuvnnaide mieđihuvvo jus dain leat eaktodáhtolaš ulbmil, doibmet Ruoŧas ja leat ásahuvvon sámiin sámiide
- Joavkkut, bellodagat ja sullasaš ovttastumit mat oassálastet sámediggeválggain dehe iežá almmolaš válggaide eai mieđihuvvo doarjaga kulturráđis
- Kulturdoarjagiin galgá vearu máksit
- Ohccit galget doaibmadoarjaga ohcamis čilget searvvi sámegiela giellaovddideaman doaimmaid iežaset searvvis. Ohccit fertejit maid čilget mo dásseárvvu ovddidemiin barget.
- Ohccit geat ovdal leat ožžon doaibmadoarjaga, galget leat buktán dievaslaš rehketdoalu ovddeš doarjagiin ovdal go ođđa ohcamuš guorahallojuvvo.
- Eahpedievalaš ohcamat hilgujuvvojit.
Lassi eavttut gávdnojit njuolggadusain ja instrukšuvnnain: Regler och anvisningar för bidragsgivning.
Máksit ruovttoluotta
Jos doaibma rievdaduvvo ja iige dieđit Sámedikki kulturlávdegoddái dahje iige čilgejuvvo dasa, de sáhttá šaddat olles dahje oasi doarjagis máksit ruovttoluotta.