Golbma eiseválddi
Dat golbma eiseválddi mat ovttasdoibmet leat; Sámedikki válgalávdegoddi, Norrbottena leana Leanastivra ja Válgaeiseváldi. Visot šaddet čuovvut Sámediggelága (1992:1433) kap 3. Válggat Sámediggái (Val till Sametinget).
Sámedikki válgalávdegoddi galgá maŋemusat skábmamánu 15 beaivvi jagi ovdal sámediggeválggaid mearridit gaskaboddasaš sámi jienastuslogu. Reivve mearrádusa birra oažžu sihke son guhte váldo mielde jienastuslohkui ja son guhte ii beasa.
Gaskaboddasaš jienastuslohku
Maŋŋil válgalávdegotti mearrádusa gaskaboddasaš jienastuslogus, de galgá dat biddjot oaidninláhkái gaskal skábmamánu 15 b. - juovlamánu 15 b. dan vuogi mielde maid Válgaeiseváldi maŋŋil ráđđehallama Sámedikkiin mearrida. Gaskaboddasaš jienastuslohku láve biddjot oaidninláhkái 30 báikái ruoŧabeal Sámis.
Váidit mearrádusa
Olmmoš guhte ii váldo mielde sáhttá váidit mearrádusa. Dasa lassin sáhttá olmmoš guhte lea váldon mielde gaskaboddosaš jienastuslohkui, váidit ahte muhtun eará lea váldon mielde. Váidda sáddejuvvo dan leanastivrii gos Sámedikkis lea váldobáiki, ja dat lea Norrbottena leana Leanastivra.
Loahpalaš jienastuslohku
Norrbottena leana Leanastivra dárkkista rabas čoahkkimis vejolaš váidimiid guovvamánu 15 beaivvi válgajagi. Válgalávdegoddi galgá dan maŋŋil dohkkehit loahpalaš sámi jienastuslogu leanastivrra mearrádusa mielde. Dat galgá dahkkot maŋemusat njukčamánu 1 beaivvi válgajagis.
Dan maŋŋil álgá válgaeiseváldi válbmet sáddehusaid Sámediggeválggaide.
Sámediggeválggat 2029 leat goalmmát sotnabeaivvi miessemánus – namalassii miessemánu 20 b. 2029.