Jagiid 2023-2027 strategiija plána mielde lea Sámedikkis erenoamáš ovddasvástádus ásahit gelbbolašvuođa bajidan doaibmabijuid olbmuin geat doibmet báikegottiin. Doaibmabijuid ulbmil leat ovddidit bistevaš ekonomalaš, biraslaš ja sosiála ovdáneami báikegottiin.
Prošeaktadoarjja almmuheami ulbmil lea doarjut ovttasbarggu surggiin, main lea stuorra ávki servodahkii, muhto main ovttaskas oasálaččaide unnán vejolašvuohta ruhtadit ovdánahttinbarggu. Doarjaga ulbmil lea doarjut eanet fitnodatjođiheaddjiid.
Almmuhusa ulbmil lea dagahit ahte báikegotti fitnodagat, mat barget biebmogálvo- ja guosseealáhusain sáhttet ovdánit, heivehit márkaniidda, gávdnat ođđa márkaniid, eanet bargosajiid ásahit ja ávkkástallat báikegottiid riggodagain.
Doaimmaid ulbmil lea dagahit ahte dat geat barget biebmogálvobuvttademiiguin ja biebmogálvu reidemiiguin dahje guosseealáhusain galget oažžut eanet máhtu ja geavatlaš ovdamearkkaid got sii sáhttet ovdánahttit báikkálaš márkaniid, báikkálaš biebmogálvofuolaheami buvttadeaddjis gávppašeaddjái, reidejeaddjiide ja restoráŋŋaide.
Dat sáhttá dahkkot:
- Oahppodoaimmaid bokte surggiin mat dievasmahttet ja ovdánahttet sámi fitnodagaid ja mat unnidit hearkivuođaid ja dagahit ahte ožžot eanet birgenlágiid.
- Oahppodoaimmat mat ovdánahttet sámi máhtuid ođđa gálvvuiguin ja bálvalusaiguin.
- Ovdánahttit fitnodatráđđeaddima, ráđđeaddin ja bagadallama, mii lea heivehuvvon sámi ealáhuseallimii ja sámi fitnodatjođiheddjiid fitnodatlaš ja ekonomalaš erenoamáš eavttuide, maid vuođđu lea árbevirolaš máhttu
Eavttut
Gelbbolašvuođa ovdánahttin, mii lea sámi fitnodatjođiheddjiid várás Jämtlándda, Västerbottena ja Norrbottena leanain.
Dása oažžut doarjaga
- Bálkkáide oktan sosiála goluide
- Eahpenjuolga goluide (guoská dušše organisašuvnnaide main leat bargit)
- Eará goluide
Makkár eavttut leat?
Sámediggi mearrida ohcamiid čuovvovaš eavttuid vuođul:
- Čađaheaddjis lea máhttu, gelbbolašvuohta ja návccat čađahit prošeavtta
- Prošeavtta metoda dagaha máhttoleavvama
- Prošeavtta doaimmaide gávdnu dárbu
Gii sáhttá ohcat?
Sámi fitnodagat, sámi searvvit ja organisašuvnnat, eiseválddit, gielddat ja eanadikkit ja eanadikkit.
Ohcama ja mearrádusa áigemearri
Don sáhtát ohcat doarjaga skábmamánu 31. b. 2026 /
Goassážii galgá prošeakta čađahuvvot?
Don sáhtát ohcat prošktii mii bistá juovlamánu 31. beaivái 2028. Oassečilgehus galgá dahkkot oassemáksima oktavuođas. Dus lea vejolašvuohta álggahit doaimma go ohcan lea joavdan Sámediggái, muhto fertet ieš váldit ovddasvástádusa das ja maiddái ekonomalaš ovddasvástádusa. Easka go ášši lea mearriduvvon, de dieđát oažžut go doarjaga vái it.
Ná ollu sáhtát oažžut doarjaga
Don sáhtát oažžut ruhtadeami 100 % prošeaktagoluide
Mo ozat doarjaga?
Don ozat doarjaga Eanadoallodoaimmahaga E-bálvalusas – don ferte geavahit mobiila BanID
- Deaddil gilkora E-bálvalusas, mii lea "Mina sidor" vuolde Eanandoallodoaimmahaga ruovttusiiddus.
- Projeaktadoarjja, investerendoarjja ja fitnodatdoarjja gilkora vuolde - Oza doarjaga ja máksima
- Vállje gelbbolašvuođaovdánahttima
- Vállje Biebmogálvu ja guosseealáhus ulbmila
- Vállje Biebmogálvvu ja guosseealáhusa
- Álggát bálvalusa
- Čále iežat ohcama
Loga eanet E-ohcama birra dás https://jordbruksverket.se/e-tjanster-databaser-och-appar/mina-sidor
Fápmudus?
Jos ozat earáid ovddas, ovdamearkka dihtii organisašuvnna dahje fitnodaga maid don ovddastat, de dárbbašat fápmudusa. Loga eanet fápmudusa birra https://jordbruksverket.se/e-tjanster-databaser-och-appar/mina-sidor#h-FullmaktomduskaloggainpaMinasidoratnagonannan
Lea go dus gažaldagat?
Jos dus leat gažaldagat doarjaga ektui, váldde oktavuođa Anna Skieltain, anna.skielta@sametinget.se /