Boazodoalloplána (BDP) ulbmil lea dagahit buori vuođu čearuid boazodoalu doibmii eanangeavaheami kártema ja čilgehusaid bokte. BDP:s leat guohtuneatnamat ja birasfáktorat, bohccuid GPS-čuoggát ja vuovdeinventeren. Dasa sáhttá lasihit eará fáktoriid nugo dálkkádatdieđuid, ruovderaŧiid, geainnuid ja kulturbirrasiid.
Čearut sáhttet dieđuid geavahit siskkáldasat ja go vuođđun ráđđádallamiin eará eanangeavaheddjiiguin.
Ohcanáigi
Prošeaktadoarjaga sáhttá ohcat ođđajagimánu 1.b rájes čakčamánu 30. beaivái. Ohcan galgá leat Sámedikki hálddahusa hálddus čakčamánu 30 beaivái dán jagi prošeavttaide. Almmut prošeavtta álggahan- ja loahpahandáhtona. Prošeaktadoarjja juolluduvvo dán jahkái ja prošeakta galgá leat loahpahuvvon maŋimuš golggotmánu 31. beaivvi dán jagi.
Ohcan galgá leat ollislaš
Ohcan meannuduvvo dušše jos ohcanskovvi lea devdojuvvon ja ahte prošeaktačilgehus lea ohcama mielde. Jos ohcan ii leat ollislaš, de mii gáibidit lassedieđuid. Jos lassedieđut eai boađe govttolaš áigái, de ohcan hilgojuvvo.
Prošeaktačilgehus
Jos Sámediggi gálgá ohcamiid sáhttit vuoruhit, de galgá prošeaktačilgehus leat mielddusin.
Čilge got prošeakta galgá čađahuvvot:
- Almmut maid čearru áigu bargat prošeavtta olis ja mo dat čađahuvvo. Čilge makkár doaimmat galget čađahuvvot, diibmomeari ja got bargosurggiid gaskkas lea juohku. Almmut geat galget bargat prošeavttain.
- Inventerema dahje eará gieddebargguid almmuhit galgá gos bargu čađahuvvo; man guovllus geográfalaččat dahje man báikkis. Bija ollesgova kártta guovllus/báikkis. Čoahkkáigeasuid sáhttá váldit RenGIS3:s dahje eará kártabálvalusain.
- Almmut plánejuvvon čuoggáid/objeavttaid mat galget duođaštuvvot dahje inventerejuvvot Geavat Sámedikki ohcan- ja ruhta rekvireren skoviid.
Geavat Sámedikki ohcan- ja ruhta rekvireren skoviid.