Searvansoahpamušas leat golbma oasi: álgošiehtadus mas leat golbma artihkkala, searvanláhka mas leat 19 mildosa ja 10 protokolla, ja loahppaláhka mas leat searvanriikkaid ja EU deklarašuvdna (čilgehus).
Protokolla 3 guoskkaha sámiid ja lea earret eará oktovuoigatvuođa birra boazodollui árbevirolaš sámi guovlluin. Ná lea čállojuvvon:
Protokolla 3 sámi álbmoga birra
SOAHPAMUŠA VUOLLÁI ČÁLLIT MIEĐIHIT IEŽASET geatnegasvuođaid ja bargguid mat Norggas, Ruoŧas ja Suomas leat sámi álbmogii riika ja riikkaidgaskasaš rivttiin.
MAIN DOHKKEHUVVO, MAT GÁVNNAHIT, erenoamážit ahte Norga, Ruoŧŧa ja Suopma duođai áigut seailluhit ja ovdánahttit sámi álbmoga birgejumi, giela, kultuvrra ja eallinvuogi.
MAIN ERENOAMÁŽIT DOHKKEHIT, ahte Norga, Ruoŧŧa ja Suopma duođai áigut seailluhit ja ovdánahttit sámi álbmoga birgejumi, giela, kultuvrra ja eallinvuogi,
LEAT SOAHPAN čuovvovaččat:
Artihkal 1
Beroškeahttá Romasoahpamuša, de sáhttet addit sámi álbmogii okto vuoigatvuođaid boazodollui sámi árbevirolaš ássanguovlluin.
Artihkal 2
Dán protokollii sáhttá lasihit vái váldá vuhtii dasa ahte ovdánahttá dákkár oktovuoigatvuođaid sámiide, geat leat iežaset árbevirolaš ealáhusain. Ráđđi, mii doaibmá ovttajienalaččat kommišuvnna evttohusa vuođul ja maŋŋel go lea gulahallan Eurohpá parlameanttain ja guovlluid komiteain, sáhttá mearridit vejolaš dárbbašlaš rievdadusaid dán protokollii.