Čearuid bargu lea oassin Sámedikki ja leanastivrraid dálkkádatheiveheami barggus. Jos resurssaid ja áiggi dáfus galgá leat vejolaš čađahit dáid doaibmabijuid, de ferte čađahit daid guhkit áiggi badjel. RSR, Sámediggi, gullevaš leanastivrrat ja SMHI dorjot čearuid.
Doaibmaplána barggu vuođđun lea Sámedikki dálkkádatheiveheami doaibmaplána, mii mearriduvvui 20216 ja ođasmahttojuvvui 2023. Sámedikki doaibmaplánas leat sámi ealáhusat ja kultuvra guovddážis ja lea Sámedikki bargu ovddidit dan. Guoskevaš leanastivrrat boazodoalloguovlluin leat soahpamuša dahkan, mas dat geatnegahttet iežaset searvat bargui ja doarjut doaibmabijuid, mat leat plánejuvvon bistit vihtta jagi ja galget čađahuvvot osiid mielde.
Ulbmil lea ráhkadit oktilis gova das mo dálkkádat muktimat váikkuhit boazodoalu eavttuid, gávnnahit váttisvuođaid ja guorahallat vejolaš doaibmabidjoevttohusaid. Čielga doaibmaplánaid bokte, mas leat ulbmilat ja doaibmabijut galget sihke čearut, guoskevaš mearrideaddjit ja eiseválddit sáhttit bargat eastademiiguin vái boazodoallu ja sámi kultuvra sáhttá dustet rievdadusaid maid boahttevaš dálkkádat vuordimis dagaha.
Ulbmil čearuide mat oassálastet:
- oažžut máhtu daid váikkuhusaid birra go dálkkádat rievdá sin guovllus
- oažžut máhtu ja gelbbolašvuođa olahit vejolaš čovdosiin ja ásahit plána mo dat galgá čađahuvvot
Jagi 2018 čađahuvvui gaskaboddosašprošeakta. Njeallje čearu iešguđet guovllus; Ängeså, Sirges, Ran ja Ohredahke, ráhkadedje dálkkádat- ja hearkivuođaanalysaid ja doaibmaplánaid dálkkádatheiveheami várás. Álggahanprošeavttas gieđahallojuvvojedje oasit SMHI dálkkádatdieđuin RenGIS geavaheapmái ja ráhkadedje rávagirjji SMHI dálkkádatdieđuide.
čoahkkáigeasuraporta: Doppe lea raporta mas lea čoahkkáigeassu dán njealji čearu doaibmaplánain. Dat lea earret eará vuođđun álggahanbarggu bohtosiid gaskkusteapmái pedagogalaš Sámedikki joatkkabarggus dálkkádatheiveheami ektui.