Likšu boares hávdeeana lei anus 1600- ja 1700-logus. Buot sámit Ubmejeeanu, Vyöddaleanu ja muhtun áiggi Ångermaneanu guovlluin, galge hávdádit iežaset jábmiid Likšu girkogárdái. 1950-51 geasi arkeologalaš roggamiin válde bázahusaid ja sáddejedje dai analyseremii. Västerbottena musea čađahii roggamiid ja ulbmil lei dušše gávdnat gokko dat boares girkogárdi lei leamaš, amas eai bija visttiid daid ala.
Muhto daid roggamiid fuomášii etnologa Ernst Manker Davviriikkaid museas, Stockholmas, maiddái Bertil Lundman gii barggai nállebiologalaš instituhtas Uppsalas, ja Historjjálaš musea oasteologa hoavda Nils-Gustav Gejvall, ja dasto muktašuvai ulbmil . Bázahusat sáddejuvvojedje Historjjálaš museai dutkamii ja galge máhcahuvvot seammás soahpamuš mielde, dat lea áimmuin ain.
Váikke Västerbottena musea dalá riikaantikvaria jeavddalaččat gáibidii bázahusaid máhcahuvvot. Muhto áššin šattai dušše hávdeeatnama birra ja iige olles márkanbáikki birra ja bázahusaid máhcahansoahpamuš ii čađahuvvon.
Seailluhuvvon reivviin ja čállosiin boahtá ovdán ahte dihto dutkiin ledje rasisttalaš jurdagat ja dat mii vuosttažettiin lei ulbmil dutkamis lei iskat leat go sámi bázahusat vái eai. Boahtá maid ovdán ahte Gejvallas háliidii doalahit bázahusaid rupmaša, dát sáhttá leat čilgehus dasa manin dat eai máhcahuvvon nu mo lei šiehtaduvvon.
Dat vajálduvvu 2013 rádjái go Västerbottena musea oaččui bázahusaid Stáhta historjjálaš museas. Leanamusea válddii oktavuođa Likšu sámeservviin dainna ulbmiliin ahte gulaskuddat mii sin sávaldat lea olmmošbázahusaid máhcaheami oktavuođas, mat leat musea njuolggadusat máhcaheami olis. Likšu sámesearvi dagai seammás formálalaš gáibádus – máhcahan gáibádusa.
Álgoálbmot beaivvi, borgemánu 9. Beaivvi 2019, de hávdáduvvo bázahusat fas sin vuoiŋŋadanbáikái gos dat vižžojuvvojedje, gohčoduvvo maid máhcaheapmin, Gammplatsenii Likšus. Vai meanut ja ávvudeapmi šaddá stuorrát ja árvvolažžan lea Likšu sámesearvi bargan ovttas Ruoŧa girkuin, Lulli-Lappi bismagottiin. Earet máhcaheapmi oktan meanuiguin, de lea Likšu gielddas leamaš ollu bargu dieđihit álbmogii dáhpáhusa birra.