Jagiid 2023 -2027 strategiija plána jelgii lea Sámedikkis erenoamáš ovddasvástádus ásahit biras- ja dálkkádat doarjjadoaibmabijuid. Suorgái gullet ovttasbargodoaimmat mat dorjot birasgáhttema ja dálkkádatdoaibmabijuid ja mat ollašuhttet nationála birasmihttuid, nationála dálkkádatheiveheami strategiija ja EO biras- ja dálkkádatulbmiliid. Prošeaktadoarjja almmuhuvvo ovttasbarggu doarjumii dakkár surggiin, main lea stuora servodatlaš ávki, muhto main ovttaskas aktevra ii leat doarvái buorre eallju ruhtadit ovdánahttinbarggu. Dat mearkkaša ahte doarjja galgá leat buorrin máŋga fitnodahkii.
Biras ja dálkkádat ovttasbargoprošeavttaid ulbmil lea ovttas ahte ovdánahttit, geahččalit ja árvvoštallat buktagiid, vugiid, gieđahallamiid ja teknihka ja sullasaččaid iešguđege lágan gelbbolašvuođaid ovttasbarggu bokte.
Dán almmuhusas leat guokte guovddášsuorggi, ohcan sáhttá guoskat ovtta dahje máŋgga suorgái.
- Ovttasráđiid eará servvodataktevrraiguin ja berošteddjiiguin boazodoalloguovllus hábmet báikkálaš dálkkádatstrategiijaid, váikkuhančielggadusaid ja báikkálaš doaibmaplánaid.
- Divodeapmi/guohtuneatnamiid njáskan.
Dása sáhtát oažžut doarjaga
- Bálkábargiide, maiddái bálkágoluide ja eahpenjuolga goluide,
- Iežat bargui,
- Bálvalusaid oastit
- Eará goluide
Ovttasbargoguoibmi galgá sáddet rehkega goluin mat sus leat doarjjavuostáiváldái vái oažžu doarjaga.
Don it oaččo doarjaga:
Investeremiidda
Makkár eavttut leat?
Eavttut mat gustot juste du prošektii bohtet ovdán mearrádusas doarjaga du prošeavtta ektui.
Muhto eavttut maid dárbbašat diehtit ovdal go ozat doarjaga:
- Ohccis galgá leat unnimusat okta ovttasbargoguoibmi prošeavttačađaheami go galgá čađahit prošeavtta. Ovttasbargoguoibmi galgá gullat eará eiseváldái, gildii, regiovdnii, searvái dahje organisašuvdnii dahje eará fitnodahkii go ohcci. Ovttasbargoguoibmi galgá čálalaččat dohkkehit ovttasbarggu ja galgá veahkehit prošeavtta ulbmiliid olahit..
-
Don galggat loahpahit iežat prošeavtta ja loahppamávssu ohcama sáddet juovlamánu 31 beaivvi 2027.
- Eat doarjjo dakkár doaimmaid maid eiseválddit, stáhta, regiovnnat ja gielddat leat geatnegahtton lága dahje eará njuolggadusaid bokte čađahit.
Sámediggi árvvoštallá ohcamušaid dáid eavttuid vuođul:
- Dovddahuvvon dárbu
- Ekonomalaš, biraslaš ja sosiála bistevašvuohta.
- Ahte ovttasbargooasseváldit ovddastit iešguđetge surggiid
- Ohcics lea diehtu, máhttu ja čađahannákca čađahit prošeavtta
- Vuođuštuvvon bušeahtta čadnon prošeavtta sierra mihtuide
- Mo prošeavtta boađus gaskkustuvvo ulbmiljovkui.
- ii dáhpáhuvvá ovttasbargguin maŋŋel go prošeakta loahpahuvvo.
Ohcamat ožžot válljeneavttuid vuođul čuoggáid ja buohtastahttet eará ohcamiiguin.
Ohcamiid vuoruhaneavttuid birra sáhtát eambbo lohkkat ja mo mii árvvoštallat daid jos manat e-bálvalussii (Maŋŋel viđát čuoggá ohcamis)
Geat sáhttet ohcat?
Sámi fitnodagat, sámi searvvit ja organisašuvnnat, eiseválddit, gielddat ja leanastivrrat ja regiovnnat.
Ohcan ja mearrádus dáhtonat
Sáhtát ohcat doarjaga guovvamánu 28 beaivái 2026.
Goas galgá prošeakta leat čađahuvvon?
Sáhtát ohcat prošeavttaide main leat doaimmat guhkimusat juovlamánu 31 beaivái 2027. Oassečilgehus galgá oassemáksima oktavuođas dahkkot. Dus lea vejolašvuohta álggahit doaimma seammás go Sámediggi lea ožžon ohcama, muhto dat lea du iežat ovddasvástádusa duohken. Don it beasa diehtit ovdal go mearrádus lea dahkkon ahte oaččut go ruđa vái it.
Ná ollu sáhtát doarjaga oažžut
Don sáhtát oažžut 100 % prošeaktagoluin doarjjan.
Mo ozat doarjaga?
Ozat Eanandoallodoaimmahaga e-bálvalusain
- Čálit sisa Bank-ID:ain.
- Mana “E-bálvalusat Mu siidduin”
- Vállje “Prošeakta-, Investeren-, ja doaibmadoarjagat”
- Álggat bálvalusa
- Goalmmát (3) čuoggás, “vállje doarjaga” galggat válljet “ovttasbargu”
- Vállje suorggi Biras ja dálkkádat
- Njealját (4) čuoggás “Vállje suorggi” galggat válljet “ovttasbargu” ja dasto deaddilat “Biras ja dálkkádat”
Loga eambbo e-ohcama birra dás: https://jordbruksverket.se/e-tjanster-databaser-och-appar/mina-sidor
Fápmudus?
Jus ozat soames eará ovddas, ovdamearkka dihte organisašuvnna dahje ovtta fitnodaga man don ovddastat, de dárbbašat fápmudusa. Loga eanet fápmudusa birra dás: https://jordbruksverket.se/e-tjanster-databaser-och-appar/mina-sidor#h-FullmaktomduskaloggainpaMinasidoratnagonannan
Lea go dus gažaldagat ?
Jos dus leat gažaldagat, de váldde oktavuođa Anna Skieltain, anna.skielta@sametinget.se dahje Sara Larssoniin, sarainger.larsson@sametinget.se