"Sámi beavdegirji"
Álgoálbmogin lea sámiin earenoamáš sajádat eará unnitlogujoavkkuid ektui Eurohpás. Ruoŧa ja Suoma searvansoahpamušas EO:i sisttisdoallá promemoria searvanlága, nu gohčoduvvon “Sámi beavdegirjji”. Šiehtadusas leat čilgehusat beavdegirjji birra, mii lea biddjon vuođđoláhkii, earret eará: lasáhus 2 CIG 86/04 dokumeanttaide. Sámiid birra čilgejuvvo čuovvovaččat:
b. Čilgehus sámi álbmoga birra
Go váldá vuhtii beavdegirjji artihkkaliidda 59 ja 60 searvansoahpamuššii ja searvanláhkii Gonagasriikka Dánmárkku, Suoma republihka ja Gonagasriikka Ruoŧa, de konferánsa dohkkeha daid geatnegasvuođaid ja lohpádusaid, mat Ruoŧas ja Suomas leat sámiid ektui nationála ja riikkaidgaskasaš vuoigatvuođaid ektui. Konferánssas mearriduvvui, ahte Ruoŧŧa ja Suopma leat geatnegahttán seailluhit ja ovddidit sámiid ealáhusaid, giela, kultuvrra ja eallinvuogi ja váldit vuhtii dasa ahte sámiid kultuvra ja birgen lea sorjavaš vuođđoealáhussaide, nugo boazodollui sámi árbevirolaš ássanguovlluin.
Sierra EO-prográmma
Dan rájás go Ruoŧŧa šattai EO miellahttun lea Sámediggi bargan sámeguovlluid erenoamáš prográmmaiguin ja ásahit ekonomalaš eavttuid vái lea eanet lassáneapmi ja vái šaddet eanet bargosajiid kultuvra- ja ealáhussuorggis. Áigodagas 2023-2027 leat EU-ruđat strategalaš boaittobeale ovddidanprográmmas lea boazodoallofitnodagaide várás.
Ulbmilat
Hástalus lea nannet ja bisuhit árbevirolaš ealáhusaid ja seammás ovdánahttit ođđa gánnáhahtti ealáhusaide. Guhkes áiggi mihttomearri lea differensierejuvvon ja ovdánan sámi ealáhusservodat mii lea huksejuvvon luonddubirrasa, kultuvrra ja árbevieru oktavuođa ala.