Mii leat ráhkkanišgoahtán dán rádjerasttildeaddji ovttasbargui mas Ruoŧa, Suoma ja Norgga sámedikkit čalmmustahttet sámegielaid visot servodatsurggiin.

Sámi giellavahkkuin háliidit loktet sámegielaid stáhtusa, ja lasihit máhtu sámegielaid ja sámi kultuvrra birra olles servodagas. Juste dán vahkku galgá sámegiella oidnot ja gullot eambbo go dábálaččat láve.

Mii ávžžuhit buohkaid čalmmustahttit ja lágidit doaimmaid giellavahkku maiguin ovddidit sámegiela.

Sámi giellavahkku lea eaktodáhtolaš bargu mainna čalmmustahttit ja loktet máhtu sámegielaid birra servodagas. Ovttas váldit mii ovddasvástádusa bajidit sámegielaid nu ahte dat gullojit, oidnojit ja adnojit visot servodatsurggiin.

Eanet dieđuid gávnnat giellavahkku ruovttusiiddus. Doppe oainnát makkár lágideamit ja doaimmat leat jođus Norggas, Ruoŧas ja Suomas giellavahkku.