Kulturlávdegotti preassadieđáhus maŋŋel juovlamánočoahkkima
Sámedikki kulturlávdegoddi lea mearridan lasihit doaibmadoarjaga sámi kulturguovddážiidda Gaaltije ja Tráhppie mii galgá veahkkin nannet sámi kulturásahusaid.
Jus kulturdepartemeanta lokte juolludusa sámi kultuvrii de lea kulturlávdegoddi mearridan lasihit doarjaga Giron sámi teáhterii, ja juolludit 200 dkr doaibmadoarjjan, ja Sámi Duodjái mii sáhttá ohcat prošeaktadoarjaga 200 000 kr rádjái. Maiddái sámeviesut sáhttet ohcat prošeaktadoarjaga 300 000 kr rádjái danin go dat leat dehálaš kulturguovddážat sámi servodagain.
Kulturlávdegoddi lea juolludan 353 00 kr sierra prošeavttaide. Daid gávnnat sierra fiilan. Fiillas čužžot maid juolluduvvon doaibmadoarjagat jagi 2016:s mat leat oktiibuot 17,3 miljovnna kr.
Mearrádusdiehtu ja rekvisišuvdnaskovvi sáddejuvvo visot doarjjavuostáiváldiide. Doarjja galgá gáibiduvvot máksot unnimusat mánu maŋŋel hálddahusa meannudandáhtona mii čuožžu mearrádusdieđus.
Boahtte ohcanvuorru lea guovvamánu 1 b 2016.
Eanet dieđuid addá:
Karin Mannela
Sámedikki kulturlávdegotti ságadoalli
Tel: +47 47 34 87 36