Sámediggi čoahkkana Liksjoes
Sámediggeáirasat čoahkkanit dievasčoahkkimii Hotell Lapplándii Liksjoes vahkku 40. Dát lea 70. dievasčoahkkin dan rájes go Sámediggi álggahuvvui borgemánus 1993.
Dievasčoahkkin álgá disdaga čakčamánu 29 b 2015 dii. 8.30 ja bistá duorastaga rádjái.
Stuorimus áššit dán háve leat §20 Boazodoallopolitihkalaš doaibmaprográmma, §21 Budjeahtta 2016 ja guhtta mošuvnna maid lahtut leat ovddidan. Dii. 10.30 disdaga oažžu sámi álbmot vejolašvuođa divvut jearaldagaid dievasčoahkkimii.
Okta diehtojuohkinášši lea dievasčoahkkima sirdin guovvamánus 2017. Dalle ávvudit 100 jagi dan rájes go sámit vuohččan dolle riikkačoahkkima Troandimis, ja sámedikkiid ovttasbargoorgána Sámi Parlamentáralaš Ráđđi lea mearridan dalle doallat parlamentarihkkárkonferánssa Troandimis.
- Guovvamánu 6. 2017 boahtá šaddat stuora mearkabeaivin ja leat dehálaš min rahčamušaide ahte ieža beassat stivret min boahtteáiggi, lohká ságadoalli Mikaelsson. Dat rahčamuš lea seamme áigeguovdil dál go 100 jagi dás ovdal!
Sihke giliolbmot ja sámit muđui bovdejuvvojit boahtit čuovvut dievasčoahkkima ja guldalit digaštallamiid ja ságastit áirasiiguin gáfebottuid vuolde. Čoahkkin sáddejuvvo njuolga Sámerádios, ja SVT Forumis sáhtát geahččat čoahkkima disdaga.
Bures boahtin sávvá Sámedikki čoahkkinjođihangoddi ságadoalli Stefan Mikaelsson bakte.
Dás gávnnat prográmma ja áššebáhpiriid
Oktavuohta:
Stefan Mikaelsson
Sámedikki ságadoalli (čoahkkinjođiheaddji),
070-251 94 97
stefan.mikaelsson@sametinget.se
Twitter: Silponah