Dát doarjja galgá veahkehit loktet boazodoallofitnodagaid gánnáheami, ja nu láhkái buoridit gilvonávccaid. Árbevirolaš sámi máhttu ja guoddevaš resursageavaheapmi galgá leat guovddážis.

Nanu gilvonávccalaš boazodoallofitnodagat loktejit sámi ealáhuseallima. Dat mearkkaša ahte doarjja galgá čalmmustahttit boazodoalu mearkkašumi olles sámi servodagas, ja oktavuohta boazodoalu, sámi ealáhusaid ja sámi kultuvrra gaskka galgá leat guovddážis. Dat mii earuha boazodoalu iežá vuođđoealáhusain lea ahte dat galgá ovdánahttojuvvot ja heivehuvvot márkanii muhto seammás ii galgga heađuštit ekologalaš guoddevašvuođa, sámi eallinbirrasa ja árbevirolaš sámi máhtu.

Don sáhtát omd oažžut doarjaga:

• Boazokuraid ja -boazobiilakuraid huksemii
• guođohanbarttaide
• áitevisttiide

Don it sáhte oažžut doarjaga mašiidnahállaide, dállodivohagaide, mohtorfievrruide, meahccefievrruide dehe gálvovovnnaide.

Dáidda goluide sáhtát oažžut doarjaga:

• olggosgoluide čađahit investerema, omd. oastit barggu ja ođđa ávdnasiid, oastit dehe oastit osiid mielde ođđa rusttegiid
• bálvalusaide maid oasttát arkiteavttain, inšenevrrain ja konsulttain
• oastit dehe ráhkadit prográmmaid, pateantaohcamušaid, liseansašiehtadusaid ja suddjet álgorievtti ja gálvomearkka.

Dáidda goluide IT oaččo doarjaga:

•  bargiid bálkkáide du fitnodagas
•  iežat bargui investerema čađaheamis

Fuomáš dán:

• Don galggat ráhkadit gávpeplána ja vástidit jearaldagaide e-bálvalusas
• Sámediggi vuoruha ohcamušaid
• Don oaččut eanemustá 40 % doarjaga investerengoluide
• Golut fertejit leat unnimusat 100 000 kr ovddas jus galggat oažžut doarjaga
• Guođohanbarttaide lea nu ahte investerengollu ferte leat unnimusat 50 000 kr ja sáhtát oažžut eanemusat 100 000 kr doarjjan
• Don fertet sáddet ohcamuša ovdal go álggahat iežat investerema
• Don fertet ohcat doarjaga máksojuvvot go eavttuid leat deavdán, don sáhtát maid ohcat osiid máksojuvvot.

Eanandoallodoaimmahaga ruovttusiiddus gávnnat olu eanet dieđuid. Sádde ohcamuša sin e-bálvalusa bakte.