Preassadieđáhus kulturlávdegottis
Kulturlávdegoddi lea borgemánu 6 b gieđahallan daid gulaskuddanvástádusaid Kulturpolitihkalaš doaibmaprográmmii mat leat boahtán sisa.
Leat oktiibuot 45 gulaskuddanvástádusa. Kulturlávdegotti mielas lea hui positiiva go nu ollusat leat beroštan vástidit vaikko gulaskuddanáigemearri dievai juste miessemearkumiid ja luomuid áiggi.
Kulturlávdegoddi lea dál ožžon oppalašgova buot vástádusain muhto áigu čiekŋaleappot bargat daiguin. Kulturlávdegoddi oaidná dattege ahte lea dárbu guhkidit gulaskuddanáigemeari. Danne lea lávdegoddi mearridan guhkidit áigemeari buktit vástádusa čakčamánu 25 beaivái 2014.
Eanet dieđuid doaibmaprográmmaevttohusa birra ja ieš prográmma gávnnat dáppe.
Kulturlávdegotti boahtte čoahkkin lea golggotmánu 14-15 b 2014.
Eanet dieđuid addá Kulturlávdegotti ságadoalli Karin Mannela, tel: +47 47 34 87 36
