Heahtedoarjjaohcan
Sámedikki kulturlávdegoddi lea čoahkkimis čakčamánu 22-23 beivviid dohkkehan ođđa njuolggadusaid heahtedoarjagii mii mákso sámi kultur- ja valáštallandoaimmaide.
Dál sáhtát ohcat doarjaga sisaboahtomassima ja lassigoluid ovddas maid koronadávda lea dagahan, ja maiddái doarjaga doaimmaide mat váikkuhit buoret doaibmaeavttuide. Maŋemus ohcanbeaivi lea golggotmánu 29 beaivvi 2021.
Áigodat man ovddas sáhttá doarjaga oažžut lea borgemánu 1 beaivvi rájes golggotmánu 15 beaivvi 2021 rádjái, masson sisaboađu ja liigegoluid ovddas. Buvttadanváikkuheaddji doarjja galgá movttiidahttit boahtteáigedoaimmaide, danin dat eai dárbbaš leat álggahuvvon dahje čađahuvvon borgemánu 1 b ja golggotmánu 15 b gaskka.
Heahtedoarjjaohcamis lea sierra skovvi. Ohcamii galgá bidjat mielddusin dieđuid mat čájehit negatiiva ekonomiijaváikkuhusa. Olgeš bealde sáhtát lohkat eanet dieđuid got skovi galgá deavdit. Bagadusas čilgejuvvo maiddái mii buvttadanváikkuheaddji doarjja lea.
Loga eanet mearrádusdokumeanttas Riktlinjer för krisstöd till samisk kultur och idrott olgeš bealde.
Lea oanehis áššegieđahallanáigi, danin lea dehálaš deavdit visot oktavuođadieđuid ja čállit nu dievaslaš ohcama go vejolaš. Gieđahallama olis iská Sámediggi fitnodatregistara. Doarjja ii juolluduvvo jus lea vearrovealggit. Heahtedoarjjaohcamiid mearrida kulturlávdegoddi juovlamánu álggus. Heahtedoarjagis šattat vearu máksit. Eanet dieđuid das oaččut Vearrodoaimmahagas.