Oahpahusvuoruhemiin lasihit oahpaheddjiid unnitlogugielain
Skuvladoaimmahat geahččala dál oahpahusvuoruhemiin oččodit eanet oahpaheddjiid našuvnnalaš unnitlogugielain. Sávvamis gávdnojit 2016:s unnimusat 12 ođđa oahpaheaddji sámegielas ja meängielas.
2013 čavčča oaččui Skuvladoaimmahat ráđđehusas bargogohččosa álggahit doaimmaid maiguin lassánivčče oahpaheaddjit eareliiggánit sámegielas ja meängielas.
Čuovvovaš lea dahkkon dássožii:
Diehtojuohkin oahpaheaddjevuoruheami birra sáddejuvvui juovlamánus visot sámegiela ja meängiela hálddašanguovllu unnitlogukoordináhtoriidda, ja maiddái Sámediggái, Sáminurrii, Ruoŧa Duortnusleagihiid Riikasearvái ja Stockholmma leana Leanastivrii.
Ođđajagimánu 23. beaivvi lágiduvvui webbinarium. Dasa ledje unnitlogukoordináhtorat ja organisašuvnnat bovdejuvvon. Webbinaria sáhtii maiddái maŋŋel geahččat dáppe: https://skolverket.adobeconnect.com/_a1155067572/skolverket20140123
Guovvamánus 2014 ledje oktiibuot 30 ilmmuhan beroštumi.
Ohcciidárvvoštallan lea dahkkon daid oahpahusaid vuođul maid lea vejolaš lágidit oahppobáikkiin, ja árvvoštallamiin leat maiddái ohcciid giellamáhtut ja gielddaid dárbbut vuhtiiváldojuvvon. Ubmeje ja Stockholmma universitehtat guorahallet dál ohcciid ovdamáhtuid ja oahpahusdárbbuid, ja ráhkkanahttet gurssiid ja ovttaskas lohkanplánaid.
Unnimusat 12 ohcci galget miessemánus- geassemánus oažžut loahpalaš dieđu oahpposaji birra. Gursset leat jurddašuvvon álggahuvvot čakčii. Oahppu galgá leat čađahuvvon maŋemusat 2016 mielde.