Vuođđuduvvui: 1993
Dálá mandáhttaáigodat: 2021-2025
Boahtte válga: Miessemánu 18. b 2025

Dievasčoahkkin: Sámedikki “riikkabeaivi” mas leat 31 álbmotválljejuvvon lahtu. Dievasčoahkkin dollojuvvo golmma háve jagis.

Bellodaga dievasčoahkkimis: 7

Bellodagat:
Jakt- och fiskesamerna 12 lahtu
Sámiid riikkabellodat 6 lahtu
Samerna 2 lahttu
Guovssonásti 5 lahtu
Min Geaidnu 1 lahtu
Vuovdega/Skogssamerna 3 lahtu
Landspartiet Svenska Samer 2 lahtu
(Oktavuođadieđut lahtuide: Politihkkárat)

Hálddahus: Sámedikki virgeolbmot
Fásta bargoveahka: su 60
Váldokantuvra: Gironis
Báikkálaš kantuvrrat: Jåhkåmåhkkes, Deartnás, Staares

Rámmajuolludus 3.1 Sámediggi: Sámediggái juolluduvvo su 60,3 miljovnna kr (2022) maid álbmotválljen orgána ja eiseváldi juogadit. Dievasčoahkkin juohká supmiid álbmotválljen doibmii ja hálddahussii.

Iežá juolludusat:

• Juolludus ap. 5 stáhtas sámi kultuvrii: 26,9 miljovnna (várrejuvvo ee. sámi prošeaktadoarjagiidda, doaibmadoarjagiidda ja Giron Sámi Teáhterii)
• Juolludus 1.22 ap. 2, boazodoalu ovddideapmái j.ea. ja fuođđovahátbuhtadusaide: 122,9 miljovnna
• Našuvnnalaš unnitloguid doaimmat juolludus 7.1 ja 7.2: 43,4 miljovnna (našuvnnalaš čuovvolanovddasvástádus 3,2 miljovnna, stáhtadoarjja hálddašanguovllu gielddaide ja leanadikkiide 28 miljovnna,  Sámi giellaguovddážii 10 miljovnna ja našuvnnalaš unnitloguid ruovttusiidu 2,2 miljovnna)

Sápmelaččaid lohku Ruoŧas: Meroštallamat rievddadit muhto dábálaš lohku láve leat 20 000-40 000. (Olu ruoŧelaččain lea sámi varra vaikko ieža eai dieđe. Identitehta ii leat dušše genehtalaš ášši muhto maiddái olbmo iežas identifierema duohken.)

Ruoŧas eai čađahuvvo olmmošlohkamat čearddalašvuođa vuođul.

Sápmelaččaid lohku jienastuslogus:  9 226 (2021) – Jienastit beassá go lea deavdán 18 jagi.