Doaibmadoarjagat juhkojuvvon
Sámedikki Kulturráđđi lea čoahkkimis 15 b.juovlamánus 2009 juohkan jagi 2009 doaibmadoarjaga sámi organisašuvnnaide.
Sámefoandaruđat eai leat vel mearriduvvon
Ollislaš submi doaibmadoarjagiidda lea unnit go ovdal, sullii 4 032 000 ruvnnu, diibma leai summi 5 200 000 ruvnnu. Nugo Kulturráđđi ovdal lea dieđihan vuolgá unnideapmi das ahte Sámefoandaruđat eai leat vel juhkojuvvon. Dát ruđat bohtet juhkojuvvot ođđajagemánus maŋŋel go Sámefoandastivra lea mearridan man ollu Sámedikki Kulturráđđi oažžu.
72 % juhkojuvvon
Kulturráđđi mearridii juolludit 72 % diimma juolluduvvon ruđain organisašuvnnaide.
- Dán dilis mii leat dahkan buoremusat maid leat sáhttán. Mii leat geahččalan juohkit ruđaid nu vuoiggalaččat go vejolaš, lohká Kulturráđi ságadoalli Per Gustav Labba.
Kulturráđđi mearridii juohkit doaibmadoarjagiid čuovvovaččat:
Sámi Dáiddarráđđi 79 200
Sámi Teáhter Searvi 20 800
Juoigiid Searvi 7 200
Sámi Komponisttat 20 800
Sámi Girječállid Searvi 20 800
Sámi Dáiddačehpiid Searvi 21 600
SSIF 216 000
Same Ätnam 180 000
Sámiid Riikkaorganisašuvdna 360 000
Sámiráđi ruoŧa ossodat 180 000
Boazoeaiggádiid oktavuohta 288 000
Landsförbundet Svenska Samer 64 800
Sámi Jienat 20 800
Sáminuorra 288 000
Ruoŧa Sámiid Riikkasearvi 2 232 000
Sámiid Spábbačiekčanlihttu 20 800
Sámi Dáiddaguovddáš 10 800
Oktavuohta:
Per Gustav Labba, kulturráđi ságadoalli,
tel. 073-817 71 02, 0981-301 71
