Bïhkedæjjaprogramme dutnjien
Sïjhteme vielie saemiestidh? Daelie maahtah bïeljelidh jis datne sæjhtah bïhkedæjja programmem dåariedh. Bïhkedæjjaprogramme lea golken 20 biejjen 2023 - jïh ruffien 2 biejjen 2024 gaskem.
Bïhkedæjjaprogrammesne njaalmeldh gaskesadtemen learohken jïh bïhkedæjjan gaskem sjïehteladtebe.
Gïele moenemetsiehkie
Learoehkasse: Datne åtnah saemienmaahtoem vg. datne saemiengïelem gåatesne govleme jïh soptsestamme. Datne lohkeminie jallh låhkeme åarjelsaemiengielem vg. saemiej ööhpehtimmiejarngesne jallh universiteteskie (A1 kuvsje), aalkoekuvsje Saemien jolleskuvlesne jallh jollebe ööhpehtimmie åarjelsaemiengïelesne.
Bïhkedæjjese: Åarjelsaemien ietniegïeline. Aerebe orreme bïhkedæjja bïhkedæjjaprogrammesne.
Guktie bïhkedæjjaprogrammen tjïrrehtibie:
- Gaajhkesh Staaresne gaavnesjibie golken 20-21 biejjide 2023. Voestes tjåanghkose tjuerieh gaajhkesh båetedh. Gïelejarnge maaksah fealadimmien, beapmoen jïh årromesijjen dovne learoehkidie jïh bïhkedæjjide. Bïhkedæjjah aaj baalhkam åadtjoeh.
- Utnebe aaj digitaale gaavnesjimmide. Bïhkedæjjaprogramme suehpede askesne 2024 nåhka.
Voestes tjåanghkoen mænngan utnieh learohkh jïh bïhkedæjjah 2 tæjmoeh våhkosne, jeenjemes 8 tæjmoeh fïerhten asken.
Guktie bïeljelem?
Jis sïjhth learoehkinie tjaelieh amma mjjese gielejarnge@sametinget.se Tjaelieh: "Anmälan Mentorprogram Åarjel" bïevneseraajrese. Tjaelieh dov nommem, adressem, telefovnenummerem jïh gïelemaahtoem. Tjaelieh aaj maan åvteste sæjhta bïhkedæjjaprogrammesne mealtan årrodh.
Buerie jis datne aaj tjaalah gïem datne sïjhteme bïhkedæjjine utnedh. Gïelejarnge dellie gihtjie jïh tæjmoebarkije nååhtedimmien tjaala bïhkedæjjine. Gïelejarnge maahta aaj viehkine bïhkedæjjan gaavnedh.
Ij gååvnese dan gellieh sijjieh.
