1986 Saemieraerien  13:e saemiekånferansesne saemiesӕvegem dååhkasjehtin goh vӕhta gaajhkide saemide. Seamma aejkien nӕnnoestin  Sámi  soga lávlla jallh Saemiej åålmegelaavlome, edtja byjjes Saemiej naasjovnelaavlome årrodh. Tekstem 1906 mearoesaemie Isak Saba (1875-1921) tjeeli jïh melodijem Arne Sköld komponereme.

Mïetsken 2022 Saemieraerie  nӕnnoesti 22:e kånferansesne ”Sámieatnan duoddariid” edtja naasjovne joejkine veeljedh Saemiejåålmege laavlomen ektine. Joejkem soemie-saemie tjaelije, musihkere jïh tjiehpiedӕjja Nils-Aslak "Áillohaš" Valkeapää tjeeli jïh joejkem komponeri 70-taalesne. Joejkem jarkoestamme gellie saemien gïelide.

- Nåake jïh barkoes laavenjasse dam sjïere gïelide tjööngkedh mah gååvnesh jïh byjjestjaalegem bӕjjoehtidh mejtie buerie edtja sjidtedh båetije beajjan, moenehtsen åejvie Lars-Jonas Johansson jeahta.

- Mijjieh aervedibieh byjjestjaalegem galkien gïehtjedidh jïh åssjalommine båetedh mejnie mijjieh tjoerebe barkedh. Dan gaavhtan daate lea voestes tjaalege mejtie mijjieh bӕjjoehtibie saemiej almetjidie njieljie rïjhkine, Lars-Jonas Johansson jeahta.

Voestes saemiej rïjhketjåangkoe lij Tråantesne goevten 6:b 1917. Tjåangkosne bijjelen tjuetie saemieh tjåangkanin Sveerjeste jïh Nöörjeste, jïh dovne jijnjh nyjsenӕjjah lij aaj meatan. Daate lij voestes aejkien saemiej histovrijsne gåessie noerhte- jïh åarjelsaemieh Nöörjeste jïh Sveerjeste tjåangkose gaavnesjien raasten namhtah ektie dåeriesmoerij bïjre digkiedidh. Dannasinie goevten 6:b saemiejj naasjovne beajjan jallh Saemie-åålemege beajjan veeljesovvin.

Govletallijh:

Åejvie Moenehtsinie saemiej naasjovne vӕhtide
Lars-Jonas Johansson,
tel. +46-70-252 17 66, lars-jonas.johansson@sametinget.se

Ol Johan Gaup, lihtsege
+47 977 34 966, oljohangaup@gmail.com

Pirita Näkkäläjärvi, lihtsege
+358 40 3577 006, pirita.nakkalajarvi@gmail.com