Maam mijjen ståvroeåvtehke gïelevåhkoen bïjre jeahta?
Våhkoe 43 ovmessie darjomh Saepmien bïjre juktie dejtie saemien gïelide vååjnehtehtedh. Maam Saemiedigkien ståvroeåvtehke mij Suarsesne orre dan bïjre jeahta?
-Ulmie saemien Gïelevåhkojne lea vååjnehtehtedh rïjhkeraasti rastah man ræjhkoes mijjen saemien gïelh leah, ij barre Saepmesne juktie abpe
seabradahkesne. Mijjieh sïjhtebe maahtoem saemiej gïeli bïjre jieniedidh jïh dej saemien gïeli staatusem lutnjedh, Håkan Jonsson jeahta, ståvroeåvtehke Sveerjen Saemiedigkesne.
-Hijven vuejnedh guktie dah saemien gïelh Gïelevåhkosne vååjnoes sjidtieh. Manne joekoen aavone gosse beapmoebovrese tjaangem jïh tsïeglh saemien gïelesne vuajnam. Maanah råakedh mah saemestieh lea vihkeles juktie dïhte vuesehte dah saemien gïelh buerielaakan veasoeminie, Jonsson lissehte.