Ođđasisálggahan-doarjja sámi kultuvrii ja valáštallamii
Sámediggi lea dán jahkái ožžon 4 mkr mainna galgá movttiidahttit ođđasis álggahit ja ovddidit sámi kulturdoaimmaid. Doarjja ođđasisálggahemiide juolluduvvo guovtte geardde 2022:s. Ohcan ferte leat Sámediggái ollen ovdal cuoŋománu 1 beaivvi ja borgemánu 1 beaivvi 2022.
Dát doarjja galgá sihkkarastit ja veahkehit ođđasisálggaheami dehálaš kulturoassebeliide, ja ávkki atnit dan ovdáneamis mii lea dáhpáhuvvan pandemiija áiggis. Pandemiija lea dagahan ahte lea dárbu doarjut kultursuorggi guhkilmas ovdáneami, ja doarjut daid kulturaktevrraid geaidda lea váttis fas álggahit doaimmaid pandemiija geažil. Doarjja galgá juolluduvvot dainna ulbmiliin ahte movttiidahttit ovdáneami ja ahte sii ođđasis álggahit sámi kulturdoaimma maŋŋel pandemiija.
Ohcamis galgá čilget makkár doaimma dahje biju lea pláneme dahje lea čađahan 2022:s, ja got dat galggašii ovddidit dahje ođđasis álggahuvvot. Ohcamii galgá bidjat vurdojuvvon goluid plánejuvvon dahje čađahuvvon doaimmaide dahje bijuide. Ohcci galgá muitalit leago ožžon iežá ekonomalaš doarjaga pandemiija geažil, ja man olu.
Ođđasisálggahandoarjja juolluduvvo guovtte geardde 2022:s. Ohcan galgá leat ollen Sámediggái ovdal cuoŋománu 1 beaivvi dahje borgemánu 1 beaivvi 2022. Ohcanskovi gávnnat olgešbealde dahje dáppe ja dat galgá ollen midjiide ovdal daid beaivemeriid. Dáppe dahje olgešbealde gávnnat bagadusa got skovi galgá deavdit. Ohcama sáddet kansli@sametinget.se. Originála ohcama man leat vuolláičállán sáddet boastta mielde Sametinget/Sámediggi, Box 90, 981 22 Giron/Kiruna.
Lea oanehis áššegieđahallanáigi, ja danin sávvat ahte ohcci bidjá ohcamii mielddusin visot daid dieđuid mat dievasmahttet ohcama.
Kulturdoarjagis galgá máksit vearu. Eanet dieđuid das addá Vearrodoaimmahat.
Eanet dieđuid gávnnat dán dokumeanttas Riktlinjer för återstartsbidrag till samisk kultur och idrott.
Leatgo jearaldagat?
----------------------------------------------------------------------------------
Váldde oktavuođa Sámedikki kulturgieđahalliin:
Telefovdna: 0980- 780 30
E-boasta: kansli@sametinget.se
Ohcan sáddejuvvo kansli@sametinget.se