Pandemiija lea čuohcan sámi kulturdoaimmaide
Sámedikki kulturlávdegoddi bovde dál sámi kulturdoaibmabeliid digitála čoahkkimii ságastit pandemiija váikkuhusaid birra sámi kultureallimii ja ođđa ovdánahttinvejolašvuođaid birra.
Badjel jagi leat sámi kulturdoaimmat šaddan birget unnánaččain pandemiija váikkuhusaid dihte. Koronaráddjemat leat čuohcan garrasit sámi kulturbargiide dáidda, lávdedáidda ja filbma, musihkka ja girjjálašvuođa surggiin, ja maiddái fitnodagain, servošiin ja iežá kulturdoaimmain. Pandemiija gáržžida vejolašvuođa lágidit ja oassálastit kulturdáhpáhusain ja čoagganemiin, ja dat čuohcá olbmuid gaskasaš ovttasdoaibmamii ja vásáhuslonohallamii.
Sámi servodahkii lea dehálaš ahte mis lea ceavzilis kultureallin nana infrastruktuvrrain mii lea olámuttus buohkaide. Sámediggi háliida gullat got pandemiija lea didjiide čuohcan ja got dii jurddašehpet ahte sáhttit ealáskahttit sámi kultureallima ođđa searaiguin.
Sámedikki kulturlávdegoddi bovde danin sámi kulturdoibmiid digitála čoahkkimii ságastit pandemiija váikkuhusaid birra ja ođđa ovdánahttinvejolašvuođaid birra.
Goas? Miessemánu 6 beaivvi dii. 10:00-12:00
Dieđit ovdal miessemánu 3 beaivvi 2021 e-boasttain: tanja.seva@sametinget.se
Liŋka čoahkkimii sáddejuvvo ovdal čoahkkima.
Bures boahtin! Buorisboahtem! Burist båhtem! Buerestbåhtieme! Buerie båeteme! Välkommen!