Gurse bohcco siskkilušaid reidema birra
Ođđajagimánu 29-30 beivviid 2020 lágida Sámediggi gursse báikegoddeprográmma bokte mas oahppá váldit vára siskkilušain ja ráhkadit árbevirolaš biepmuid dain. Gurse lágiduvvo ovttas Sámiid oahpahusguovddážiin ja Johan Nuttiin. Gurse heive sámi fitnodatdolliide ja boahttevaš sámi fitnodatdolliide.
Ulbmil gurssiin lea oahppat vára váldit ja biepmuid ráhkadit siskkilušain dego njuokčamis, váimmus, čoliin, varas ja leavssosbuoiddis. Mii oahppat iešguđet vugiiguin reidet ja ráhkadit borramuša.
Vuosttaš beaivvi viežžat ja ráidnet siskkilušaid Bårjjåsis. Nuppi beaivvi beassat Sámi Oahpahusguovddáža gievkkanis Jåhkåmåhkes málestit. Gursses deattuhit sámi terminologiija ja danin leat mis doarjjan guokte árbečeahpi.
Báiki: Bårjjås ja Sámi Åhpadusguovddásj Jåhkåmåhkes
Áigi: Gaskavahkku ođđajagimánu 29 beaivvi dii. 09.00 -17.00, ja duorastaga ođđajagimánu 30 beaivvi dii. 09.00-17.00
Máksu: 800 kr oktan momssain
Gursedivat galgá máksot BG 5178-6697 Merke mávssu ”Kurs traditionell inälvsmat” ja čále objeaktanummara 2764.
Sajit: Eai eanet go 10 olbmui.
Ilmmut ovdal: Mánnodaga ođđajagimánu 20 beaivvi 2020
Ilmmuheapmi ja jearaldagat: Prošeaktajođiheaddji Kjerstin Valkeapää e-boastta bokte kjerstin.valkeapaa@sametinget.se dahje tel. 0980-780 53.
Orrun: Jus dárbbašat orrunsaji de váldde oktavuođa Towe Andersson 0971-44000 dahje e-boastta bokte info@samernas.se
Lea geatnegahtton ilmmuheapmi. Gursedivat ferte leat mákson vai dus lea sihkkaris várrejuvvon sadji gursii.