Gos sáhtát oaidnit Jikŋon 2?
Fargga lea Jikŋon 2 Disney-filmma vuosttaš čájálmas. Muhto guđiin sámi hálddašangielddain sáhtát oaidnit dan filmma davvisámegillii?
Ruoŧa Disney-ossodat dieđiha ahte Folkets Hus Jåhkåmåhkes čájeha Jikŋon 2 davvisámegillii (ja ruoŧagiel teavsttain) juovlamánu 27 beaivvi dii. 15.
Folkets Hus Vazážis ges čájeha filmma juovlamánu 29 beaivvi dii. 15.
Folkets Hus Gironis čájeha filmma ođđajagimánu 6 beaivvi dii. 14.
Medborgarhuset Likšus čájeha filmma guovvamánu 6 beaivvi dii. 19, namalassii sámi álbmotbeaivvi.
Stockholmmas, Göteborggas, Julevus ja Staares gos leat stuorit biográfat ja gos sáhttet čájehit filmma máŋgga saloŋŋas, čájehuvvo Jikŋon 2 sihke vuosttaš ja nuppi juovlabeaivvi.
GIELDA | BIOGRÁFA | Latnja | Áigi | Beaivi |
Stockholm | Filmstaden Sergel | 12 | 11.40 | 25+26/12 |
Göteborg | Biopalatset | 4 | 12.45 | 25+26/12 |
Julevu | Filmstaden | 3 | 12.15 | 25+26/12 |
Staare | Biostaden | 3 | 13.00 | 25+26/12 |
Sámi hálddašangielddaid biográfat
Leat vel muhtun biográfat mat dáhttot čájehit sámi veršuvnna muhto gos eai leat vel mearridan beaivvi; omd Tännäs, Älvdalen ja Brunflo.
Dás olgešbealde lea Ruoŧa Disney-ossodaga listu mas oainnát makkár biográfat du láhka gávdnojit.
Váldde áinnas oktavuođa njuolgga biográfain vai dat oidnet ahte gávdno beroštupmi geahččat filmma sámi veršuvnna!