Oahpa áldduid bohčit ja vuosttá dahkat
Borgemánu 17-18 beivviid fállá Sámediggi gursse/oahppomátkki Båtsuoj- guovddážii Slagnäsas gos beassat oahppat bohčit áldduid ja ráhkadit vuosttá bohccomielkkis. Mii beassat maid diehtit makkár šattuid bohccomielkái lávejedje bidjat, got beahcemuora bárkku goikadedje ja got iežá urtasiid atne borramušas ja dálkkasin.
Gurse heive sámi fitnodatdolliide ja boahttevaš fitnodatdolliide, ja dat ruhtaduvvo Báikegodde-prográmma bokte. Ilmmut iežat ovdal borgemánu 10 beaivvi 2019.
Báiki ja áigi:
Båtsuoj vuovdesámiguovddáš, Gasaheden. Gurse lea olgun, gárvot dálkki mielde.
Gurse álgá beaiveborramušain ja bistá maŋit beaivái veaigái. Das lea olles penšuvdna. Idjadit goađis, duolji nalde. Váldde mielde oađđinseahka ja boalstara.
Gursedivat:
700 SEK ex momssa / olbmos.
Ilmmut:
Ilmmut iežat ovdal borgemánu 10 beaivvi. Lea dušše 15 olbmui sadji.
Ilmmut e-boastta bokte kjerstin.valkeapaa@sametinget.se dahje riŋge 0980-780 53. Muital nama, čujuhusa, personnummara, telefonnummara ja e-boastačujuhusa.
Mávsse gursedivada ovdal borgemánu 12 beaivvi báŋkogironummarii 5178-6697. Merke máksima objeaktanummar 22761 Båtsuoj.
Buerie båeteme! Burest båhtieme! Buoris boahtem! Bures boahtin!