Gollegiella – Evttot Davviriikkalaš sámi giellabálkkašumi vuoiti
GOLLEGIELLA –Davviriikkalaš sámi giellabálkkašupmi geigejuvvo gávccát gearddi dán čavčča go sámediggepresideanttat ja sámi áššiid ministarat dollet iežaset jahkásaš čoahkkima. Čoahkkin lea Stockholmmas skábmamánus. Giellabálkkašupmi geigejuvvo ovttaskas olbmui dege organisašuvdnii Norggas, Ruoŧas, Suomas dege Ruoššas mii lea erenoamážit áŋggirdan ovddidit sámi giela.
Gollegiela – Davviriikkalaš sámi giellabálkkašumi leat sámi áššiid ministarat Norggas, Ruoŧas ja Suomas, ja Norgga, Ruoŧa ja Suoma sámediggepresideanttat ásahan. Bálkkašupmi lea geigejuvvon juohke nuppi jagi 2004 rájes. Vuoitun lea 15 000 euro.
Giellabálkkašumi ulbmil
Giellabálkkašupmi galgá veahkehit ovddidit ja seailluhit sámi gielaid Norggas, Ruoŧas, Suomas ja Ruoššas.
Gii sáhttá vuoitit bálkkašumi?
Giellabálkkašupmi sáhttá addot ovttaskas olbmuide, joavkkuide, organisašuvnnaide, servviide ja ásahusaide mat leat erenoamážit áŋggirdan ovddidit sámi gielaid čálalaččat, njálmmálaččat dege iežá vugiin. Árvvoštallamis váldojit iešguđet álgagat sámegiela ovdánahttimis vuhtii. Bálkkašumi sáhttá maid juohkit guovtti vuoitái.
Evttot vuoiti!
Ovttaskas olbmot, organisašuvnnat, ásahusat ja eiseválddit Norggas, Ruoŧas, Suomas ja Ruoššas sáhttet evttohit jagi 2018 giellabálkkašumi vuoiti. Sádde čálalaš evttohusa (ii eambbo go 2 siiddu) mas čilget ákkaidat. Evttohus galgá joavdán árvvoštallanlávdegoddái ovdal čakčamánu 2 beaivvi 2018. Evttohusa sáddet:
Gollegiella - bedømningskomiteen
SAMI, Kommunal- og moderniseringsdepartementet,
Postboks 8112 Dep, 0032 Oslo, Norway
Tel: +47 22 24 68 46
e-mail: postmottak@kmd.dep.no
