torsdag 28 mars 2024

Dearvvuođasáhka 8:t rahpamis Sámedikkis Norggas

Dearvvuođasáhka 8:t rahpamis Sámedikkis Norggas - Per-Olof Nutti, stivraságadoalli, Sámediggi Ruoŧas.

Gonagaslaš allavuohta gonagas Harald ja ruvdnoprinsa Haakon, presideanttat, dievasčoahkkinjođiheaddjit, sámediggelahtut, ekseleansat ja gudnejahtton guossit. Giitu bovdehusas beassat oassálastit allaáiggálaš  rahpamis gávccát mandáhtaáigodagas.

Ruoŧa Sámedikki bealis háliidan cealkit lihkusávaldagaid ođđa válljejuvvon lahtuide ođđa áigodahkii ja lihkusávaldagat bures čađahuvvon válgabargui.

Dis lea stuorra ja dehálaš bargu din ovddas. Máŋga stuorra ja dehálaš áššit leat din beavddis, nugo mis lea Ruoŧa bealde. Mii sámit leat okta álbmot, muhto eallit sierra eavttuid mielde ja barget sierra servodatvuogádagain. Dan dihte mis leat ollu sullasaš hástalusat árgabeaivvis. Mii dárbbahit ovttasbargat vai gievrut ja sáhttit hábmet oktasaš boahtteáiggi. Mii sáhttit maid movttiidahttit guhte guoimmi ja juohkit vásáhusaid guhte guimmiiguin.

Mii ruoŧa bealde oaidnit ahte norgga bealde leat eanet návccat go mis, dis lea stuorit ovddasvástádus  sámi kultuvrras ja sámi kulturárbái ja sámi oahpahusáššiide. Sámedikkis norgga bealde lea stuorit friddjavuohta ja dii sáhttibehtet iežat meroštallat mainna háliidehpet bargat. Ruoŧas Sámediggi lea stáhtalaš eiseváldi man stáhta stivre. Dis lea sámi stáhtačálli ráđđehusas, mii ii leat.

Muhto leat maid buori bealit min doaimmas. Boahtte jahkái mii leat ožžon buresboahtin nákcalassáneami sihke hálddahussii ja boazoealáhusjuolludeapmái. Bargu lea jođus hábmet konsultašuvnnaortnega. Áššiin sihke sámi ja ruoŧa servodaga beroštumiin gávdno dárbu ovddidit ovttasbargohámiid, maid min ráđđehus lea fuobmán. Dárbbahuvvo strukturerejuvvon konsultašuvdnaortnet nu ahte Sámediggi ja sámit besset buktit oainnuid doarvái árrat mearridanproseassas vai galgá sáhttit leahkit mielde ja váikkuhit.

Mii dárbbahit guhte guoibmámet! Dii ođđa válljejuvvon lahtut sáhttet doaimmalaččat veahkehit rasttildit eastagiid mat sirrejit min. Min ovttasbarggu bokte Sámi Parlamentáralaš Ráđis mii beassat guhkit ja sáhttit ovttas ovddastit min álbmoga EO:s ja máilmmis. Lea sáhka seailluhit ja ovddidit min giela, okta mu váibmoáššiin. Lea sáhka suddjet min eatnamiid ja min kultuvrra ávkkástallamiid ja boasttugeavaheami vuostá. Lea sáhka sámi valáštallama ja iežá rádjerasttildeaddji prošeavttaid birra.

Min beivviin go Davviriikkalaš sámesoahpamuš ja ruoŧa-norgga boazoguohtunkonvenšuvdna leat erenoamážit áigeguovdilat. Ollu galgá oahppat, erenoamážit ođđa lahtuide. Váldet dan áiggi, loga, oahpa, jeara ja jearut. Guldal daid geat lea vázzán ovdal, geat soitet garrasit riidalan ja mávssolaš vásáhusaid ožžon.

Dii geat lehpet boarrásit mon háliidan ávžžuhit ahte dii maid guldalehpet nuorat buolvva. Dii leiddet maid nuorat oktii. Lehpet árvasat ja leat gierdevaččat. SPR:a doaibmaprográmmas mii čállit ahte lea dehálaš bidjat návccaid sámi nuoraide. Dat máksá ahte addá sidjiide váikkuhanvejolašvuođa ja saji šaddat.

Okta iežá proseassa man mon háliidan namuhit leat proseassat jođus sihke Ruoŧas, Norggas ja Suomas ásahit duohtavuođa- ja soabadankommišuvnnaid. Lea bargu man mii ođđa stivrras ruoŧa Sámedikkis háliidit joatkit.

Mis leat váttis veardideamit ja ráddjehusat čađahit. Mii dárbbahit viissisvuođa ja gierdevašvuođa vai oažžut mielde min álbmoga dán dehálaš barggus. Boahtá bávččagit, muhto sáhttá leat juste dan maid mii dárbbahit vai beassat viidáseappot. Eat mii kolonisašuvnna sihkas ránu vuollái, muhto mii loktejit dan čuvgii gieđahallat min vásáhusaid ja soabadit, sihke olggos- ja sisaguvlui.  Lea mu sávaldat.

Daid sániiguin háliidan cealkit dearvvuođaid mu bargoustibiin Sámedikkis Ruoŧas ja sávvat didjiide bures lihkustuvvan ráđđehallama ja mandáhtaáigodaga.

Giitu

Visar sidorna 121 till 140 ( av 218 )
© Sametinget 2024
Uppdaterad: 2017-10-13

Om Sametinget

Sametinget är både en statlig myndighet med förvaltningsuppgifter och ett folkvalt samiskt parlament med uppdraget att verka för en levande samisk kultur i Sverige.

VISSELBLÅSARFUNKTION

E-FAKTURA

Myndigheten

Sametinget är en statlig myndighet under regeringen, med särskilt ansvar för språk, kultur och rennäring.

Det folkvalda organet

Det folkvalda parlamentet består av 31 ledamöter som träffas till plenum tre gånger per år. Styrelsen är ytterst ansvarig för Sametingets verksamhet.

Kontakt

Sametinget
Box 90
981 22 GIRON / KIRUNA

Vid rekommenderad post använd adressen ovan!

Besöksadress: Adolf Hedinsvägen 58
Tel. 0980-780 30
E-post: kansli@sametinget.se
Org.nummer: 202100-4573

Kontaktformulär 
Så här behandlar vi dina personuppgifter

Tillgänglighetsredogörelse

Öppettider:
Mån-Fre 08.30-12.00, 13.00-15.00
Kring storhelger och under sommaren:
Mån-Fre 08.30-12.00

MenyPress
MenyPress
På sametinget.se använder vi cookies för att webbplatsen ska fungera på ett bra sätt för dig. Genom att fortsätta surfa godkänner du att vi använder cookies. Vad är cookies?